انا اولا مش عارف الموضوع ده خيال ولا اكشن
في الاول جتماعات مع امن الدولة
وبعدين تهديدات بالقتل من الاخوان
وبعدين تقول ان ده ما بيحصلش
وانهم بيشوهوا الصورة بتاعة الاخوان
وحلوه احمد بتاع التصوير اللي عايز يتوب (حسسني انه اشرك بالله )
المهم
الموضوع باختصار ان امن الدولة موجودين فعلا بين الاخوان دايما وعارفين اخبارهم
والاخوان كمان مش ساكتين ودايما طلاب الاخوان بيحبوا يظهروا وما بيسكتوش
وبيدوروا علي اي موضوع يفتحوا عشان يبقوا دايما موجودين
انا اعترف اني لا احترم في الاخوان كجماعة الا تنظيمهم ووصولهم للشعب
رغم ان وصولهم للشعب عن طريق الدين فقط عن طريق استمالة قلوب الناس
لان اللي مش هيقتنع بفكرهم مقتنع اساسا بالدين وده بابهم
انا لا احب الاخوان
ولا احب الحكومة ولا الحزب الوطني ولا منتمي لاي من الاحزاب الاخري
لان مفيش حد في مصر كويس
وبم ان كلهم سيئين
يبقي مقدمناش غير اننا نفضل زي ما احنا لحد ما تيجي حاجه كويسه
تنفعنا كمصريين
والاخوان فعلا عايزين يوصلوا للحكم
وبيطالبوا بانتخابات رغم ان مرشد الاخوان عمر ما كان ليه انتخابات (سبحان الله )
ولو وصل الاخوان للحكم
انسي بقي مصر وانسي اننا هنبقي كويسين
واكيد هنبقي متاخرين اكتر ما احنا
واكيد الاخوان هيدخلونا في 3او 4 حروب علي الماشي
وهنقابل انهيار اقتصادي محترم
وده رايي الشخصي ارجو انه ما يضيقش حد
|