[الجويرية]

المشاركة الأصلية كتبت بواسطة Sharp Nails

السلام عليكم
وعليكم السلام ورحمة الله وبركاته

ازيكوا ياجماعه يارب الكل بخير ان شاء الله
عاوزة ايه جيبى من الاخر
النهاردة الموضوع عجيب حبتين
ندخل فالموضوع
ها

طبعا كلنا ملاحظين عدد البنات المهول الى فى كل حتة
اة والله عندك حق
فالشارع بنات فالمدرسة بنات فالجامعة بنات فالتلفزيون بنات
والله فعلا بقوا كتير اوى عاوزين ناس يحسدوا فى عددهم شوية
...............................................

المهم انا جيت فى بالى كدة وقولت اشوف كدة السيكشن بتاعى
فيه كام بنت وكام ولد
_وياريتنى ما شوفت_
لقيت 60 بنت واربع ولاد
احنا عندنا الولاد فى اداب عملة نادرة عارفة البنات كتار كتار اوى
كان زمان لما ولاد يلاقوا بنت كانهم لقوا فريسة ويعاكسوها
عندنا فى اداب العكس بيحصل اى ولد تلاقيه البنات لازقين فيه كانه شئ نادر

طب والحل

البنات دية كلها هتتجوز امتى وازاى ؟؟!!!
صعبانين عليا بجد
واكيد دة سبب كبير فى
اكيد
ان البنات تقريبا ضعف الولاد ويمكن اكتر
اكترررر بكتيييير

طب نتكلم عن الشاب الاول
يجى ياعينى الشاب من دول يخلص الثانوى وفرح بمجموع حلو
دخله كلية طب _وياريته ما دخل _خد عندك
7 سنين دراسة اخد شهادة التخرج وفرح
يلاقى نفسه 3 سنين جيش يخرج مالجيش
لسة بيقول صباح الخير يامصر
وهو عنده كام سنة 27 دة اذا اخد الكلية صافى السنة بسنتها

وكذلك نفس المعاناة شباب صيدلة وهندسة
فعلا بيعنسوا جامد الله يكون فى عونهم بجد
لولا بابى ومامى اصلا مش هايتزوجوا
لكن بتوع تجارة واداب والذى منه يمكن هما وخدين من الطيب نصيب

هو كل شوية اداب وتجارة مش عارفة هاتودونا لغاية فين
بس بردوا ياعينى بتوع اداب وتجارة بيخلصوا يافرحتى
بيقعدوا جمب اللى بيخلصوا على الرصيف
او ممكن يشتغلوا فى كشك عم عبدو وحلك بقى عقبال مايكونوا نفسيهم
هو الحل كله فى ايد بابى ومامى

المهم يعنى دول الشباب ياعينى حالهم مايل
لا معاهم يعيشوا نفسم ولا معاهم يفتحوا بيت
معاهم ربنا
ربنا يقويهم بجد

طب انا جيت بصيت كدة عالنماذج الى حوليا
لقيت من 37 لحد قولوا 50 سنة كدة
ماشاء الله ميسورى الحال وبدل العربية اتنين
وعنده شركة او مكتب او عيادة او غيره
قدهم فى السن ده متزوج وعنده اربع اولاد
وماشاء الله يعنى ربنا فاتح عليهم وخلاص وقفوا على رجليهم
وكونوا نفسهم حلو اوى
دى حالة شبه نادرة شوية
لان تقريبا معظم واغلبية الشباب رجليهم وجعاهم ياعينى مش قادرين يقفوا عليها

فبقول لوحدة صحبتى
اية المانع لما الراجل من دول يتجوز بدل الواحدة اتنين او تلاتة ؟؟!!
وماله يتزوج اربعة
_ياريتنى ما قولت برضه_كانت هتحدفنى تحت عربية
هى دى المروءة ولا بلاش
هى شايفة ومقتنعة ان مش من حق الراجل يتجوز طالما الست الى متجوزها مفهاش عيب
انا بقول كدة بردوا
انا لو مقصرة فى واجب من وجباتى تجاهه والله انا اللى اختارله العروسة واروح اخطبله بنفسى
قولتلها طب ما ربنا محلل اربعة للراجل ومش لازم هو يتجوز
عشان الاولانيه فيها حاجة
ياحبيبتى هو لو قدر اصلا يتزوج واحدة يتزوج اللى هو عاوزه
اية المانع لما هو مقتدر انه يتجوز البنات دية
وماله طالما مقتدر يكسب ثواب فيهم
وان الراجل بيقدر انه يحب اكتر من واحدة فى وقت واحد
كدة هانبدا ندخل شمال بقى
بس هى كان ردها عنيف اوى

قالتلى انا لو اتحطيت فالموقف دة
وجوزى اتجوز عليا هقتله واقتلها
بصى ياستى انا لو زوجى عاوز يعدد يجى يقولى الاول انا عاوز اعدد
واعرف منه السبب لو كنت مقصرة معاه نروح نخطب اللى عاوزها
لكن لو من غير سبب طبعا هايكون فى تصرف تانى
لو عاوز يكسب ثواب فى اخت يعنى وانا اعرفها ممكن اوافق

بس ان من وجهة نظرى ان دة من حق الراجل وان ربنا محلل كدة
اكيد
انت رغاية على فكرة
ولو بصينا عليها من الجانب الدنيوى
هنلاقى ان كل زوجة هتحرص انها تكون احسن واحدة فالتانين
لا وممكن يبقوا اصحاب
والله اعرف اتنين اصدقاء ماما والاتنين متزوجين رجل واحد عارفة كانهم اخوات بجد
واولاد دى يعتبروا اولاد دى وعايشين فى بيت واحد وبيحبوا بعض اووى
وهتحرص انها تريحه اكتر من الباقى
وبكدة الكل هيكون مرتاح
هى مش معركة مين اللى يفوز

انا مش شايفة اي مانع من الموانع
خلاص هاكلم جدك محروس يجى يخطبك

انتوا اية رأيكوا

لو كنتى بنت
تقبلى تكونى زوجة تانية او تالتة او رابعة
لا مقبلش دى
او تكونى زوجة اولى وجوزك يتجوز عليكى
اقبل انى انا اللى ازوجه
مش يتزوج عليا فى فرق
هتكونى راضية ولا لا؟؟مع ذكر السبب طبعا
اكيد لو الاسباب مقنعة وانا موافقة عليها وهانرتاح مع بعض وبحبها
هارضى

لو كنت شاب قول رأيك فالموضوع وربنا معاك
احم يااارب

انا قولت رائى وعقبت على الكلام فوق
جزاك الله خيرا يانسومة
خليكى معايا على الاميل هاوريكى