[اوركيديا]

بصى يا بنتى عشان انا من امبارح و انا بفكر فى الموضوع ده
عشش معايا بجد

المشاركة الأصلية كتبت بواسطة Sharp Nails

السلام عليكم
ازيكوا ياجماعه يارب الكل بخير ان شاء الله
النهاردة الموضوع عجيب حبتين
ندخل فالموضوع

ادينا دخلنا
و بالرجل اليمين كمان
لما نشوف اخرتها

المهم انا جيت فى بالى كدة وقولت اشوف كدة السيكشن بتاعى
فيه كام بنت وكام ولد
_وياريتنى ما شوفت_
لقيت 60 بنت واربع ولاد

اها عادى
عندنا فى طب السكشن حوالى 15 بنت و 6 ولاد يا عينى
حاليا بيتحيلوا عليهم عشان ينقلوهم من السكشن
مش عارف ليه
هو احنا حنكلهم يعنى

طب والحل
البنات دية كلها هتتجوز امتى وازاى ؟؟!!!
واكيد دة سبب كبير فى العنوسة
ان البنات تقريبا ضعف الولاد ويمكن اكتر

اها
كل راجل فى مصر قدامه حوالى 4 بنات تقريبا
فى الخليج و صلوا ل 7 بنات
فى البوسنه اللى قريته بعد الحرب الاخيره دى
كل راجل قدامه 27 بنت
لا بلاش

طب نتكلم عن الشاب الاول
يجى ياعينى الشاب من دول يخلص الثانوى وفرح بمجموع حلو
دخله كلية طب _وياريته ما دخل _خد عندك
7 سنين دراسة اخد شهادة التخرج وفرح
يلاقى نفسه 3 سنين جيش يخرج مالجيش
لسة بيقول صباح الخير يامصر
وهو عنده كام سنة 27 دة اذا اخد الكلية صافى السنة بسنتها

هههههههههههه
لا ياختى
مفيش حد بيسقط عندنا فى طب
اصل احنا عندنا دور تانى
مش زيكوا

وكذلك نفس المعاناة شباب صيدلة وهندسة
لكن بتوع تجارة واداب والذى منه يمكن هما وخدين من الطيب نصيب

ههههههههههههه
ايون ايون
كلها اربع سننين و بيخلصوا
يا بختهم بجد

المهم يعنى دول الشباب ياعينى حالهم مايل
لا معاهم يعيشوا نفسم ولا معاهم يفتحوا بيت
معاهم ربنا

اها
عليهم حاجات كتير جدا
لازم يشتغلوا
و يتحملوا مسئوليه
ده غير الاعداد و فتح البيت
و الكلام الكتير ده

بس اللى يغيظك بقى
انك تلاقى 99% منهم
مش فارق معاه
و لا هو هنا اصلا
هوفففففففففف





اقولك بقى يا بنتى رايي اللولبى

بصى معايا هنا


اولا ربنا محلل الحكايه
يبقى هى اكيد اكيد
لصالح المجتمع الاسلامى و الناس

فى حاجه قريتها عن الموضوع ده

يحكى الدكتور محمد يوسف موسى ما حدث في مؤتمر الشباب العالمي الذي عقد عام 1948 ، بمدينة ميونخ الألمانية .. فقد وجهت الدعوة إلى الدكتور محمد يوسف وزميل مصري له للمشاركة في حلقة نقاشية داخل المؤتمر كانت مخصصة لبحث مشكلة زيادة عدد النساء أضعافا مضاعفة عن عدد الرجال بعد الحرب العالمية الثانية .. وناقشت الحلقة كل الحلول المطروحة من المشاركين الغربيين ، وانتهت إلى رفضها جميعا ، لأنها قاصرة عن معالجة واحتواء المشكلة العويصة . وهنا تقدم الدكتور محمد موسى وزميله الآخر بالحل الطبيعي الوحيد ، وهو ضرورة إباحة تعدد الزوجات ..

في البداية قوبل الرأي الإسلامي بالدهشة و النفور .. ولكن الدراسة المتأنية المنصفة العاقلة انتهت بالباحثين في المؤتمر إلى إقرار الحل الإسلامي للمشكلة ، لأنه لا حل آخر سواه .. وكانت النتيجة اعتباره توصية من توصيات المؤتمر الدولي ..

وبعد ذلك بعام واحد تناقلت الصحف ووكالات الأنباء مطالبة سكان مدينة (( بون )) العاصمة الألمانية الغربية بإدراج نص في الدستور الألماني يسمح بتعدد الزوجات

طويب



ده لو دل على حاجه بيدل على اننا فعلا محتاجين الحكايه دى
شوفى نسبه الاطفال اللى بدون اب او ام كام
ده لو حنتكلم فى الموضوع ده
او اضرار العنوسه
مش حنخلص

و لو بصينا للموضوع من ناحيه تانيه
اللى هى الناحيه اللى بتتكلم فيها البناويت
اللى هو مش ممكن
مستحيل
انا زى الفريك مش احب شريك
طاب انتى تبصيلها ان انتى الفريك
ليه مش تحطى نفسك مكان الشريك
يعنى لو سالتى نفسك انهى احسن
تقعدى بدون جواز
و لا تتجوزى حد متجوز
اكيد تتجوزى حد متجوز
هل سعتها حتقولى لا
انا زى الفريك
سعتها حتكونى متعاطفه مع نفسك
و بتلومى الناس اللى بيهاجموا تعدد الزوجات

كده من الناحيه الاجتماعيه

نشوف بقى النص التانى
اللى هو المحروس الراجل
الحكايه مش مفتوحه
و مش اى حد كده لا يملك المقدره الماليه او النفسه يقدر يقول اتجوز تانى
لا
لازم الاتنين يبقوا متوفرين
و بالعكس
الجواز التانى فى اغلب الحالات اصعب من الاول
للمعارضه اللى بياخدها
و اللى حيتجوزها حتتشرط و الكلام ده

بس فيه حاجه
انتى يا نسومتى بتقولى واحد مقتدر بس عايز يتجوز
و بيقول عشان العنوسه و كده
مش عشانه
بس لما راح اتجوز
راح اتجوز واحد قد ولاده
طب هى دى عانس دى
ما هى كده كده غالبا حتتجوز
الاحسن ببقى
انه يدى فلوس لاتنين بيحبوا بعض صغيرين
عشان يقدروا يتجوزوا
مش هو يروح يتجوز
و يقول بحارب العنوسه



اممممممممم
نيجى للسؤال بتاع

لو كنتى بنت
تقبلى تكونى زوجة تانية او تالتة او رابعة
او تكونى زوجة اولى وجوزك يتجوز عليكى
هتكونى راضية ولا لا؟؟مع ذكر السبب طبعا

امممممممم
هو ممكن لو اللى عايزاه متجوز و فعلا هو ده اللى انا عايزاه
بس مش اخبى عليكى حتبقى صعبه جدا



اما جوزى المحروس يتجوز عليا


ممكن برده
لو فعلا هو عايز كده
بس لازم يكون عنده سبب يقنعنى الاول
ما انا لازم بحكم القانون ابقى موافقه و عارفه انه حيتجوز تانى
و الا ممكن اطلب الطلاق
بس انا بقى حقتله و اسلم نفسى


مش عارف ليه حاسه ان الكلام ده كله نظرى يا بت يا نسوم
كان مدرس الفيزيا فى ثانوى بتاع الحصه
متجوز اتنين
كان بيتقال عليه كلام
مش اقولك
خصوصا ان التانيه دى صغيره و هو اتجوزها على كبر
و مش خلفت و اساسا كانت السكيرتيره بتاعته

يلا كفايه كده
ممكن ارد تانى على الحاجات اللى استوقفتنى
مش تقولى
الموضوع موضوعى
عارفه


يلا فى رعايه الله