اقتباس:
حضرتك ردي كان واضح
ان شغل الجامعات مش له اي صلة بالكليات
والكلام مش محتاج تفسير
|
و مين اللى قرر ان شغل الجامعات ملوش اى صله بالكليات؟
حضرتك اللى قررت لوحدك؟
اسف معتقدش ان ده من حقك
القرار ده المفروض اللى مشترك فيه انا و انت بصفتك يعنى عينتى مسئول عن الاقسام دى
ده يعنى اذا مكنتش انا المسئول الاكبر عن الاقسام دى
يعنى مينفعش تقول ملوش اى صله بالكليات يبقى ملوش اى صله بالكليات و مش محتاج تفسير
لا تفسر انت مش بتشتغل لوحدك
انا حضرتك تعبت نفسى و رديت رد طويل على جزء ملوش اى صله بالكليات دى
ممكن اجيبهولك هنا تانى
اقتباس:
اليكم المواضيع
اول موضوع اسمه كيف تذاكر و تتفوق لاستاذ مينا
يمكن هوا ده فعلا الموضوع اللى ملهوش دعوه بكلية الاداب
لكن استاذ مينا شاف ان كل طلبة الجامعات داخلين على امتحانات دلوقتى
عشان كده عمل موضوع عن طرق المذاكره و كده
تانى موضوع عن كلية الحقوق
اسمه الحالات التى يجوز فيها الدفاع الشرعى بالقتل
ده بيتكلم عن قوانين العقوبات و كده
اعتقد انه ليه دعوه بكلية حقوق
تالت موضوع اسمه
لماذا يتجنب المهندسون استخدام اقلام الرصاص على المعادن؟
ده خاص بكلية الهندسه
انا شايف انه ليه دعوه برده بكلية الهندسه
رابه موضوع بيقارن بين السن و سياحه و فنادق بيتكلم عن الاتنين ببساطه
يعنى عامة
انا شايف ان مواضيع اقسام الجامعات
اما انها بتكون بتتكلم عن الجامعه او الكليه نفسها
او بتتكلم عن حاجات درسوها فى الجامعه
انت شايفها المفروض تبقى ايه؟
تبقى اسئله و امتحانات؟
فى مره قلتلكو قبل كده ان اقسام الجامعات تختلف عن اى قسم تعليمى
نفرض مثلا مشرف المجموعه الهندسيه حب يجيب اسئله
هوا طالب فى اعدادى صيدلة اسكندريه يعنى فى فرقه واحده و كليه من كذا كليه فى مصر
يعنى الاسئله مش هتبقى مفيده اوى
انا مثلا فى 3 صيدلة عين شمس
و اختى فى 5 صيدلة القاهره
فى ماده انا بردسها السنادى اختى فى 5 بتدرسها هيا هيا بنفس المحتوى
يعنى فى اختلاف فى توزيع المواد بين السنين باختلاف الجامعات
عشان كده اقسام الجامعات تختلف عن اى قسم تعليمى
لكن اما تبقى عن معلومات هما درسوها فى الكليه دى هتنفع كل طلبة الكليه دى
او معلومات عن الكليه نفسها
|
يعنى انا احتراما ليك و للكل رديت و وضحت وجهة نظرى
يبقى انت كان الاجدر بيك انك ترد عليا و توضح وجهة نظرك
مش تتصرف لوحدك و تشيل الشغل و تقول ملوش اى صله بالكليات و مش محتاج تفسير
لا لى كل الصله بالكليات ونا عارف بقول ايه ونا فى تالت سنه جامعه يعنى اكيد فاهم الى حد ما عن الكليات
و متقوليش الموضوع مسئوليتى لا مش لوحدك انت اللى عينتنا مسئولين معاك فى الشغل يبقى تحترم ده بقى
يا اخى ده حتى فى الموضوع ده مردتش على ردى
كل اللى قلته مش محتاج تفسير و ملوش صله بالكليات
لا حضرتك مش بتتعامل مع عيال صغيره عشان تقول رأيى و بس و مفيش تفسير
زى منا احترمتك و اتكلمت و رديت تحترمنى و ترد و يبقى القرار اللى خارج خارج مننا احنا الاتنين فى شغل الجامعات
اسف ده مش اسلوب اداره ناجح و ده عن رأيى
احب اقول لحضرتك ان انت اما كنت طالب الشغل يوم الخميس منى
انا كان جهازى هنا بايظ
و نزلت سيبر و كان عليا امتحانات و قعدت اظبط فيهم و بعتهم ليك ونا فى وسط امتحاناتى
يبقى انا بحترمك كويس و بحترم يعنى ايه معاد متفق عليه فى الشغل
لكن انت تشيل الشغل من نفسك و بدون ابداء اسباب و متقوليش ملوش صله بالكليات و من غير تفسير متقوليش ان ده سبب ده رأيك انت و انا مش عارف خدته على اساس ايه
يبقى انت كده محترمتنيش
و لو انا غلطان فى حرف ياريت تقولولى