الموضوع ده فى غاية الجمال والروعة بجد
وينفع يتكتب فيه مواضيع مش ردود بس
نمسك الشق الاول منه

اقتباس:

- أيوااااااااااا هتقول لي مخلوقين للعبادة , عارف و الله يا (عم الشيخ) , بس ... يعني ..

انا مخلوق ليه وعايش ليه وكل الكلام ده
انا سالت نفسى قبل كده السوال ده كتير
كان عندى ايامها حالة من الياس والاحباط الله لا يوريكى
فضلت اسال نفسى
انا بعمل ايه فى دنيتى ايه اللى انا بعمله ده
انا مش المفروض اكون كده انا كان لزم اكون احسن من كده
مش كفر والعياذ بالله ولا عدم رضاء ولا قناعة
لا بس حاسس انى كان لزم اطور من نفسى وكان لزم ابذل مجهود مضاعف اكبر من كده
لان حاسس انى كنت اقدر اكون احسن من اللى انا عليه
حاسس انى كان ممكن اكون حاجة اكبر من كده
مش عارف يمكن اللى حوليه والناس اللى كانت بتقولى ديما انتا هتبئا حاجة كبيرة
انا صدقتهم بس مسعتش لده جايز
عمتا انا حاليا مرتاح جزئيا الى حد ما وراضى بالى انا فيه

اقتباس:

انت بتقول إن العبادة و الحاجات دي كلها بتخلي القلب مستريح و كل حاجة حلوة ,

الشق ده انتى عارفه انا كنت ملتزم دينيا لابعد الحدود
فروض ربنا كنت باديها
قراءن كنت بختمه 3 مرات قراءة فى الشهر
كنت ملتزم بجد وكنت حاسس براحة نفسية لابعد الحدود
وده جد راحة انا مفتقدها حاليا لما بعدت عن الدين والدنيا اخدتنى
ومنكرش ان اصحاب السوء كان ليهم اثر كبير فى ده
انا مفتقد الايام الاولى ونفسى بجد ارجع زى الاول
ومش عايز حد يدلنى على الطريق لان كتير طلبه منى ارجع اصلى وانا اللى كنت بتحجج
باى حاجة والسلام بس مش معنى كده انى مش عايز
لا انا عايز بجد بس عايز اقوم اصلى علشان انا عايز اصلى مش عايز حد هو اللى يدلنى على الطريق
عايز ارجع زى الاول لان فى الاول محدش دلنى انا اللى عرفت الطريق للجامع لوحدى
انتى عارفه ارتحت لما فكيت واتكلمت
شكرا على النقل والافادة