_GUIDE_
اقتباس:
مهو برضه البنت لو حطت لنفسها
حدود على الاميل وكان كلمها مع الولد فى حاجات معينة
مش هيبئا فيه مشكلة
انتا هنا بتكلم عن المبادى
كل بنت ليها مبدأ ماشية عليه فى حدود
علاقتها بالاولاد عمتا وده عند كل البنات
|
اه الحدود دى ممكن تكون موجودة ف الكلام على الايميل
بس انا شايفة ان ده ف حالة وجود سبب للكلام
اما لو كانت بنت ضايفة شاب للتعارف
الكلام اللى بحدود هايوصل لكلام تانى
لان الاضافة اصلا كان سببها تعارف وكسر ملل وخلاص
كمان مش كل الناس بتقدر تتحكم ف نفسها بنفس الدرجة
يعنى لو حضرتك تقدر تتحكم ف حدود الكلام .. غيرك مش هايقدر
عشان كدة
الافضل انه مايحصلش
ودى مجرد وجهة نظر
اقتباس:
صدقنى الرسايل ليها لزمة
احنا منتدى تعليمى
والعلاقة بين الطال بوالمدرس والعضو والمشرف
فى غالبيتها قايمة على الطلب والاستفسار ومينفعش تتلغى
انا اعرف اكتر منك
مفيش خاصية فى الرسايل مكتوب
تجاهل رسايل الاعضاء (نعم / لا )
تجاهل رسايل العضوات (نعم / لا )
|
فعلا حضرتك معاك حق
ودى اكتشفتها من شوية بس لما كنت بابعت لاستاذ عصام عشان باس وورد الغرفة
وكان لازم افتح الرسايل
وفعلا مفيش خاصية بتجاهل الرسايل من الاعضاء او من العضوات
بس فيه خاصية السماح للاصدقاء بس بالرسايل
وحتى لو مش هاتتعمل
عشان ممكن يكون صعب اضافة كل المدرسين ف الاصدقاء
ممكن الرسايل تفضل مفتوحة عادى
وهنا بيكون الانسان رقيب نفسه
وطالما حاطط لنفسه قاعدة .. مش هاكلم بنات او شباب
مايردش على رسايلهم
مش يرد عادى
ويقول ده منتدى
انا قولت مش هاكلم بنات او شباب عالميل بس
اقتباس:
انا قولت اهرج مع اللى بيهرجه ولا انا مليش نفس 
|
ماكنتش اقصد ان حضرتك بتهرج
انا باتكلم عاللى ممكن يحصل ف المنتديات بصفة عامة
انه بيكون فيه هزار وخروج عن الحدود بشكل يخنق
ف مش يا اما الكلام يكون بالشكل ده
يا اما نعمل منتدى للبنات ومنتدى للشباب
ده كان قصدى
اقتباس:
بص علشان مش نتعب بعض
طبيعى انك لو مش بتكلم بنات النهارده هتكلم بكرة
ولو مش كلمت بكرة هتكلم بعده
انا كنت بكلم بنات فى الكلية وعادى جدا
وكنا بنخرج مع بعض واصحاب وزمايل
ولو حتى انتا مكلمتش بنات فى الكلية واخدت جنب مع نفسك
الطبيعى انك هتكلم بعد ما تخلص فى الشغل
لزم هتكلم البنات سوء كدا او كدا
بس اقولك حاجة كلام عن كلام هو اللى يفرق
|
بالظبط كدة
كلام عن كلام يفرق
والكلام اللى هايكون بسبب حاجة ف شغل او كدة
مش زى الكلام اللى بهدف الكلام وخلاص
اقتباس:
وحاجة كمان اهم واهم
انتوا فى فترة مراهقة
الطبيعى ان لو اتكلمت مع بنت او بنت اتكلمت معاك
بعد مرة مرتين تلاته
هتقول لنفسك دى معجبة بيا
والبنت هتبص لشخصية الولد وترسم صورة فى خيالها ليه
دى شىء طبيعى دى مرحلة مراهقة
انتا عايز تبعد نفسك عن المرحلة دى وتعديها بسلام
|
تمام
بس مع تغيير الضمائر لو سمحت
فعلا ف المرحلة دى مش كله بيقدر يتحكم ف نفسه بنفس الدرجة
وعشان كدة
طالما حاجة مالهاش لازمة
يبقى الافضل انها ماتحصلش اصلا
طالما ممكن تسبب حاجات تانية هانندم عليها بعد كدة
اقتباس:
ده شىء جميل بس مهما عملت لزم تدخل المرحلة دى ولو حتى فى خيالك
واكيد بتكلم انتا واصحابك عن فتاة احلامك
او حتى موصفات البنت اللى عايز ترتبط بيها ده جزء من مرحلة المراهقة
وكذلك البنت بتقعد ترسم صورة فارس الاحلام
طويل قصير تخين رفيع
معفن جربان موصفات ليه كل واحد منكم انتوا الاتنين سواء البنت او الولد
بيحلم بموصفات معينة كل ده ليه علاقة بسن المراهقة
وانك طبيعى لزم تفكر فى البنت والبنت تفكر فى الولد
ياريت تكون الفكرة وصلت
|
مش هاتكلم عن نفسى واعمم الكلام على الكل
بس فيه ناس ممكن تفكر
وناس ممكن ماتفكرش .. ببساطة لان تفكيرها مشغول بحاجة تانية
زى الدراسة مثلا
يعنى حاطة تركيزها كله ف الحاجة دى
وبعدين
لما يحصل انجذاب او ميل من بنت لشاب او العكس
مجرد احساس وهايتلاشى عاجلا ام آجلا
احسن ما تحصل بينهم علاقة
ماحدش عارف ممكن توصل لايه
اقتباس:
بعيدا برضه عن الكلام ده عجبنى اوى النقاش ده
ياريت ميخرجش عن الروح دى
بالنسبة للكلمة دى اسف مخدتش بالى منها للاسف
اقتباس:
|
هو يا اما هزار وتهريج واستظراف
|
وبكره الكلمة دى على فكرة
فحاسب على كلامك معايا
مدام بتكلم معاك بكل احترام وذوق
يبئا الكلام بينا فى الاطار ده هيخرج عن كده
يبئا نغير الاسلوب خالص ونتكلم باسلوب هينتهى نهاية مش ظريفة (جاية من استظراف )
واضح طبعا
فائق احترامى
|
حقيقى مش فاهمة ليه حضرتك فكرت انى باقول الكلام عليك !!
عموما يا ريت يكون قصدى وصل
وبعدين انا حتى لو كنت شايفة كدة .. زى ما حضرتك فهمت كلامى ف الاول
ماكنتش هاقولها احتراما لفرق السن