[هانى الشرقاوى]

لو عدم الانتماء مرض أبقى انا مريض ومن زمان
صحيح أنا بحب مصر بس زيها زى أى مكان تانى زرته أو عجبنى
يعنى من الاخر متفرقش معايا كتير
معرفش ده غلط ولا صح ومعرفش الشعور ده اتولد فيا امتى
ده أنا حتى لو فيه ماتش كورة والمنتخب بيلعب بأتمنى من كل قلبى انه يكسب بس لو خسر ايزى خالص
المكان اللى اتولدت فيه بحبه بس مش زى ما أنا بسمع من أصحابى اللى عاشوا طول عمرهم فى مصر
أنا مش عارف أوصف شعورى أو حتى أعبر عن احساسى
بس اللى انا متأكد منه انى طبعا بحب بلدى الام مصر