أولا : شكرا علي نشاطك الملحوظ في بداية فترة اشرافك استاذ اسامة و نرجو ألا يقل عزمك
ثانيا: الحل بسيط بالنسبة للموضوعات المثبتة الكثيرة
ادخل كده قسم الكادر
و شوف كان في كام موضوع هام جدا مثبت و دلوقتي بقا في كام
انا دمجت موضوعين خاصين بالاستفسارات معا بعد موافقة أصحابهما
و دمجت موضوعين ليا لهم نفس الفكرة في موضوع واحد
و بكده بقا المثبت دلوقتي موضوعين فقط في غاية الاهمية و في قسم عليه اقبال كبير و نشاط دائم و موضوعاته أكثر بكثير من أي قسم اخر
اذن فالحل بسيط و في يد المشرف
و هو دمج الموضوعات المتشابهه
و حتي ان لم تكن متشابهة بشكل كبير يمكن ضم فكرتين بذكاء في موضوع واحد و حضرتك أهل لذلك
ثالثا: انا مش مع ضم موضوعات كل عضو في موضوع واحد
لان بكده القسم هيتحول لموضوعات كلها لها عنوان واحد
وهو (( هنا موضوعات فلان الفولاني ))
الموضوع هيبقا عامل كأننا بنقول بالظبط
(( هنا يرقد جثمان الفقيد فولان الفولاني ))
و مش هيبقا في عنصر جذب اطلاقا ان الواحد يفتح موضوع اصلا من دول لان العنوان ثابت
غير جذاب...و غير كده لو عايز انا موضوع معين هتعب اوي علي ما اوصله لنفس الشخص في موضوعه اللي بقا عبارة عن موسوعة موضوعات مش موضوع واحد
و هضطر اقلب في الصفحات كلها صفحة صفحة علشان اوصل لموضوع معين انا عايزه
الموضوع هيبقا متعب جدا
دي وجهة نظري المتواضعة
بس حضرتك هتلاحظها بعدين و هتقلل من الاقبال علي القسم
و ده اللي لا نتمناه أبدا
أما الموضوعات المثبتة التي يتم اختيارها
فأتمني أنها تكون لها علاقة فعلية بموضوع قسم الرابطة الرئيسي
و تكون بدون مجاملات لمجرد اسم العضو
معلش انا واضح و صريح ومافيش مجاملات في الشغل
يعني مثلا
من فضلك .. يا أستاااااذ .... إيدك ..... اربببببططططط معايا هنا لو سمحت
موضوع استاذ وسية ده ماعتقدش انه محتاج تثبيت
لانه يتكلم عن معني الرابطة في اللغة من منظور معين و له الشكر طبعا استاذ وسية علي المعلومات القيمة و لكن
لا يمس الموضوع بشكل قوي الهدف الاساسي من وجود رابطة المعلمين وبالتالي ليس هناك حاجة لتثبيته
و هكذا لو تأملنا في كل موضوع في القسم بنظرة حيادية و بتقييم عادل لقيمة الموضوع نفسه و محتوياته و فائدته للقسم هنقدر نختار الموضوع الامثل الذي يحتاج الي تثبيت فعلا و سيعود بالفائدة الكبيرة علي الجميع
و لك حرية التصرف و شكرا علي نشاطك استاذ اسامة