بسم الله الرحمن الرحيم
اولا احب اشكرك اخي الكريم .. علي الموضوع انا كنت داخل اعمل واحد بس النت كان فاصل من انبارح ولسة جاي دلوقت والله ..
ثانيا : انا محافظة الدقهلية .. كان عندي انبارح السبت عربي وخط ... كان الامتحان جاي في مستوي الطالب الضعيف بل اقل .. والحمد لله الواحد حل بس المشكلة ان الامتحان كان عاوز كتابة كتيييير وملحقتش اراجع والامتحان كان جاي كالتالي
3 اسئلة قراءة اختار منهم اتنين علي ان يكون الاول منهم
* الفصل الثامن ( قصة )
* ملامح الشخصية المصرية
* منزلة المرأة
ثانيا النصوص السؤالين اجبااااري
* من نص اجر العاملين
* من نص تحيا للمراة
ثالثا القواعد النحوية
* كانت الاعرابات جاية سهلة بس جدا وكانت كده ( مفعول بة ... اسم مجرو بالكسرة .... اسم ان منصوب بالفتحة ... مضاف اليه )
رابعا التعبير ...
بجد انا احب احي اللي واضع اللي الامتحان بالذات علي التعبير لانة كان جايب التالي
ّّّّّاجب عن سؤالين علي ان يكون الاول منهم ّ
* اكتب لافتة تحث فيها زملائك علي عدم الاختلاط بالطيور
* اكتب موضوع عن مـــــــــــصر
* اكتب موضوع عن النهضة التعليمية في مصــر
وطبعا انا اخترت موضوع مصر والحمد لله ربنا وفقني وكتبت اربع صفحاات
والنهاردة كان عندنا امتحان دراسات ( الاحد 25 /1 )
بس الامتحان كان جاي مليان شوي بس الحمد لله طالع واانا معنديش غلطة واحدة وكان جايب خريطة اوروبا بيقول ارسمها في كراسة اجبتتك ووضح عليها ( اقليم التندرا - جبال الهيمالايا - مدار السرطان - مضيق بيرنج )
وكان مركز جدا علي فرنـــسا خلي بالكواا
وان شاء الله بكرة ( الاتنين 26/1 )
وراي انجليزي ( مادتي المفضلة )
وربنا يوفق الجميع ,....
ياريت الكل يدخل ويقول عمل اية
اخوكم
عبدالرحمن