اقتباس:
|
روزويل دى ولاية امريكية كااملة
|
تسمحيلي اصحللك الخطأ دا بس .. لإن روزويل مش ولاية
رووزيل عبارة عن مدينة موجودة في ولاية نيو ميكسيكو ..
ومابينها ومابين نيفادا اللي موجود فيها ارض الأحلام دي صحراء الاريزونا
اني واي .. انا في الموضوع دا كله متحفظ فقط على صورة واحده في الموضوع
اللي هيا صورة المنطقة 51 المزعومة اللي متصورة بجووجل ايرث
بيتهيألي لو امريكا فعلا بتخبي الموقع دا ومش عايزة الناس تعرفه ..
اعتقد انها هاتخفيه عن انظار كل الناس .. واولهم ان الموقع دا يتشال من جووجل ايرث
زي ما اسرائيل معتمة على المواقع الحربية كدا في جووجل ايرث برده .. ولا ايه ؟؟!
ثانياً .. اعتقد ان في جميع الحالات .. ان من المؤكد ان فيه مواقع سرية عديدة في امريكا غير 51 دا
ودا لإن اول ناس اخترعت المثل اللي بيقول (لا تضع البيض كله في سلة واحده) هما الامريكان !
ثالثاً .. لو تفتكروا فيلم the independence day بتاع ويل سميث
اهو في الفيلم دا جابوا سيرة موقع 51 .. واحنا يا مصريين فاكرين ان دا خيال علمي
لكن هوا في حقيقة الأمر ان الامريكان بيتريقوا على الحكاية دي ولكن في صورة علمية
وبقت سيرة موقع 51 زيها زي نكتة المطار السري اللي في امبابة !!
رابعاً .. انا لا اؤمن الا بالاشياء اللي ربنا صرَّح بيها ..
ربنا قال (وما خلقت الجن والإنس الا ليعبدون) .. يعني مافيش غير جنسين " جن و انس "
وتقديم الجن على الإنس لإن الجن اتخلقوا قبل الانس ..
ولو ربنا كان خلق حاجة قبل كدا كان قال و صرَّح .. لكن ربنا ماصرَّحش .. وبالتالي نوجع دماغنا ليه ؟!
هوا دلوقتي لو بابا جيه وقالي انا يابني خلفتك انتا واخواتك الاتنين ..
هاقعد افكر بقي هوا ياتري يا هل تري بابا خلف حد غيري انا واخواتي الاتنين ؟!
مانا لو دخلت في دايرة التفكير دي يبقي مش هاخلص ودماغي هاتشت وتفرقع
فهوا من المفترض ان احنا مانؤمنش غير باللي ربنا صرَّح بيه واعلنه في القرآن
لإن القرآن دا هوا منهج حياتنا ..
هوا دا اللي هانتحاسب عليه يوم القيامة كلمة كلمة وحرف حرف