اقتباس:
المشاركة الأصلية كتبت بواسطة مستر/جمال سراج
اولا لك تحياتى
واسمحلى ارد على كلامك رغم انى لست من المنيا وليس دفاعا عن احد سوى الحق
اولا كشوف الكادر دى تتعمل فى يوم او فى ساعتين وكونها لسه متعملتش يبقى اكيد لشىء ما لا انا ولا انت نفهمه دا شغل ادارى ونظامى
واكيد سيادتك هتصرف الكادر او المنيا هتصرف زيها زى المحافظات التانية - يعنى مش هيسيبوا المنيا مثلا او اى محافظة دون المحافظات الاخرى
وثانيا بالنسبة لقبول الولاد الكبار فى الصف الاول - طب ما دا خير ومصلحة للناس كلها واحيى سياة المحافظ عليها - يا سيدى فيه ناس بتدخل الصف الاول بحالات فردية بتاشيرة فرديه ومش كل الناس تقدر تجيب تاشيرة فيه ناس غلابة كتير
يبقى لما سيادة المحافظ يعمم - يبقى دا راجل فاضل - لان المساواة فى الظلم عدل
وبالنسبة للكثافة - ماهى طول عمر الكثافة عليا ممكن دى تتحل بعدين انما منضيعش سنة بحالها
وبالنسبة لدخول تلميذ الصف الاول بعد نصف العام يا سيدى سيادتك لو فاهم القوانين هتعرف انه عادى بالنسبة للصف الاول لان مفيش امتحان ترم غير شفوى
واللى سيادتك ربما متعرفوش انه ممكن يدخل سنه تانية على طول اذا كانت هناك قضية مرفوعة مثلا لان سنة اولى ابتدائى فيها امتحان اخر العام لكن كله بينجح وبيعدى باى حال يعنى مش لازم ينجح عشان يروح الصف الثانى دا فى اولى بس
رفقا بالرجل وبلاش تجنى وبلاش دخول فى اللى ملكش فيه
بقى انى اقولك انى من الغربية ومش من الصعيد خالص بس زى ما قلتلك تدخلى بالرد هو دفاعا عن حق وليس اكثر
لك خالص تحياتىوتقبل مرورى
|
مستر / جمال سراج
السلام عليكم ورحمة الله وبركاته
للأمانة قبل قراءة ردك الجميل
الرد اللى جهزته هو هو نفس ردك الحيادى بدون أى أهواء
بارك الله فيك أستاذى العزيز
من تدخل فيما لا يعنيه سمع ما لا يرضيه
الله يكون فى عون المحافظ
كل الأعمال التى عملها تدل على أنه فاهم كل الأمور ويتصف بصفات جميلة تجعله متميزاً
أولاً :عمله فى النور بدليل هذه الأخبار
ثانياً: يتميز بالشجاعة وسرعة إتخاذ القرار
ثالثاً : أراح زملائنا المتعاقدين وعينهم وهذا فى صالح العملية التعليمية
رابعاً : واضح وصريح
خامساً : وجد من يرد عنه بكل حياد
سادساً : تحية شكر وتقدير للسيد الوزير محافظ المنيا من مواطن من محافظة الشرقية
سابعاً : شكر وتقدير للأستاذ جمال سراج على رأيه الصائب
ثامناً : شكراً للزميل الذى عرفنا بما يدور فى ديوان محافظة المنياً حتى نعلم أن السادة المحافظين أعانهم الله فى عمل دائم ومستمر ويقظين لكل كبيرة وصغيرة .
تاسعاً : فى النهاية هتصرف هتصرف مستعجل على أيه زميلى العزيز