السلام عليكم ورحمة الله وبركاته
و عليكم السلام و رحمه الله و بركاته
انا قرأت
ولكن طبعا لقيت فيه أغلاط كتير وإن كانت غير مقصوده
اولهم : ان الشاب ده متعمقش في الدين كما ينبغي وده اللي بيقوله المنطق إن كان بيعتبر ان من المنطق دراسه الحجج الواهية قبل دراسة النص الأصلي جيدا ً
فلو واحد جالي يقولي اهو انت وابوك واهلك والناس اللي يتشددولك
فأنا بالمنطق هقوله هو أنا قولتلك إيه أصلا عشان تقولي كدا ؟
يعني لازم أدرس القرآن دراسة شاملة لان القرآن منظومة متصلة عبقرية كل العبقرية
لإن انا اقسم برب العرش ان كل انتقاد لآيه في القرآن له آيات في نفس القرآن اللي بينتقدوه بيسقطوا الانتقاد والإفتراء ده بشكل عبقري .. ( حقيقة )
اها مع حضرتك
بس لو حضرتك بصيت للبدايه
حتلاقيه سمع حاجه لاحمد ديدات
و بدا يفكر
يعنى الوسواس جاله
طاب هو دلوقتى فعلا مش متعمق فى الدين كويس
فهو يعمل ايه دلوقتى
ماشى ممكن ببساطه حضرتك تقول يروح يتعمق فى دينه الاصلى الاول
بس الشرخ اللى حصل
و التفكير نفسه كده
بيخليه و هو بيقرى و بيحاول مش اوى
بيكون برده عايز يوصل لاجابات محدده
و عن حاجات محدده
عشان هو اساسا بدا التعمق عشان يعرف الحاجات دى
احم
كلامى مفهوم 
تاني حاجة : في قضية إن كان هناك إلاله اخرا للكون .. فيلزم ان الإله التاني ده بقي ينزل كتبه ورسله ويعبر عن نفسه بالمعجزات الأصيلة .. ولكن لم يعهد وحكي حد ان هناك إله ارسل رسلا ً يقولوا انه هو الإله الأصلي ويفند ويدحض الحقائق الواهية للإله التاني ( اشهد ان لا إله إلا الله ) ...
اها مع حضرتك اكيد فى المنطق ده
بس الناس قليلين اللى بيقولوا ان فيه اله تانى للكون
ده غير طبعا اللى بيؤمنوا بالثالوث اللى شايفين سيدنا عيسى اله
و دول طبعا شايفينه نزل بنفسه على الارض
اما الباقيين فحنلاقى لاما ديانات بشريه اساسا
لاما مش بيؤمنوا بوجود اله من الاصل
احنا ابناء الطبيعه
تالت حاجة : هل الإسلام هو اللي صح ؟ ولا المسيحية ؟ ولا اليهودية
والإجابة علي السؤال ده من منطق سطحي وسهل الفهم
اني اقولك
لو جم في الآخر وقالوا اللي متبعين سيدنا موسي وبيؤمنوا بيه هيدخلوا الجنة : هندخل إحنا واليهود
ولو جم في الاخر وقالوا اللي متبعين سيدنا عيسي وبيؤمنوا بيه هيدخلوا الجنة : إحنا والمسيحين هندخل الجنة
ولو جم في الاخر وقالوا اللي مؤمن بيسيدنا محمد هيدخل هيبقي ايه الحللللل ؟ هندخل إحنا بس
امممممممم
هو انا فكرت فى الحكايه دى اكتر من مره
طاب احنا بنقول كده فى حاله سيدنا موسى مثلا
يبقى ربنا ارسله هو بس
و مش ارسل سيدنا عيسى و لا سيدنا محمد
يبقى اكيد حيعاقبنا لاننا امنا بيهم هما برده مع سيدنا موسى
يعنى دخلناهم فى ايمانا
و نفس الموضوع مع سيدنا عيسى
احم
حاسه انى كده دخلت فى بعضه بس ده تفكيرى
الحكاية بسيطة ومش محتاجة بحث كتير لان موضوعك ممكن يشكك ناس هتقدر تفهم الاسئلة
لكن متقدرش تفهم الإجابات
دي جزئية مفروض تاخد بالك منها جدا ً
لانك ممكن تشيل ذنب اللي ممكن يشك في لحظة في سلامة دينه
اها برده مع حضرتك جدا فى الحته دى
بس احنا دلوقتى فى عالم نت
يعنى عالم مفتووووح
فمش نقدر نشيل حد ذنب انه حط حاجه
يبقى كده المفروض الاحتمال قائم دايما
يبقى مش فيه حد يحط
و انا فاكره حضرتك كنت عايز تعمل قسم للحاجات اللى شبه دى
يبقى اكيد حيبقى المواضيع اللى فيه على نفس النمط
صح
رابعا ً : 90 % من الكلام اللي ذُكر في الموضوع كلام بالنسبة للي مقروش في المجال ده عظيم
لكن بالعكس هو بعض القضايا اللي تعد بسيطه دلوقتي في التفنيد والرد
اها الى حد ما
بس اهى بتورى شويه نور
و ده بيظهر فى متابعه الناس بشغف للمواضيع دى
عشان بسيطه
يقدروا يفهموها
و يوصلوا لنتيجه ترضيهم عن دينهم و عقليتهم
خامسا ً : خير لك من دراسة الأديان الأخري وهذا الشئ طبعا ( مكروه بالنسبة للمزعزعين في الدين لانه يفتح منفذ من منافذ الشيطان ) وده اللي يُحكي ان الرسول وبخ سيدنا عمر بن الخطاب لقراءته صحيفه من صحف اليهود ( الكلام ده كان في البدايات وليس الفاروق عمر ) ان تقرأ في دينك وتتثقف وتجهد علي فهم معانيه البعيدة والقريبة وبعد ذلك تتجه اتجاه احمد ديدات
صراحه فى الحته دى مش ليا تعليق
سادسا ً : لا يجوز الاعتداء علي أي دين في المشاركات لان دي نصوص ولها إحترامها وإن كانت وهمية ومُحرفه
فمستحيل هبدأ اسمع لواحد بيقولي ( الإسلام جهل ) اي حجه يعرضها أصلا ً
إنما الحل في في شيئين
الدعوة - والتفنيد
ما نستطيع فعله الدعوة
أما التفنيد فلسنا مؤهلين لذلك بعد
اهااااااااا
دى بالذات
و انا قولت لزنوبه قبل كده على الحكايه دى
خصوصا ان فيه موضوع قبل كده حصل فيه خلاف برده
و كان اقل من كده بكتير
بس اللى حصل ان الموضوع اتقفل تقريبا
و قالوا مش نمس الاديان بقريب او بعيد
سابعا ً : يُرجي نقل الموضوع ركن حي علي الفلاح لإنه يعرض قضايا إسلاميه وليس مجالا ً لمناظرات مع نصاري او يهود
من قوانين الركن العام
اقتباس:
|
يمنع منعا باتا وضع مواضيع تناقش قضايا فقهيه
|
و اعتقد ان هنا برده نفس الخط
لا القضايا الفقهيه بتشمل برده المواضيع الدينيه
و لا ايه
في رعايه الله
وده مجرد رأي مش اكتر