[د/ ماجدولين]

السلام عليكم
جزاك الله خيرا على هذ التحليل
بص يا فندم
ممكن نضيف للأسباب الحرب على غزة
ان اسرائيل عاوزة تحقق أقصى استفادة من بوش قبل ما يمشى
بدليل اتفاقية حظر الأسلحة اللى مضيتها ليفنى مع رايس
سيبك بقى من ان الريس قال دى مش مُلزمة لينا
هنلاقية بكرة جاى يقول
دى اتفاقيات ولازم ننفذها
مش موضوعنا دلوقتى
بس أنا عاوزة أسئل
لية اسرائيل تحلل لنفسها امتلاك قنابل ذرية وعنقودية
وتمنع أكثر الإسلحة بدائية وبساطة عن حماس؟؟!!!!
أنا ضد اللى حصل بين حماس وفتح
بس اعتقد ان حماس جت بإرادة الشعب الفلسطينى وبانتخابات ديموقراطية
لية بقى الإعتراض دة كلة؟؟؟!!
ثانيا
حضرتك قلت ان موقف مصر مش مُشين أو حاجة؟؟!!
بالعكس
أنا شايفة انة غاية فى العار والتخاذل
بدأ من رفض مصر المشاركة بقمة الدوحة
وبالتالى عدم التوصل لبيان ختامى بقمة الكويت
وعدم فتح المعبر بشكل منتظم
ورد الفعل المايع اللى اتبعتة الحكومة فى بدء العدوان
وبعدين أنا رد فعل الحكومة مش زى جراح ماهر
لأ دة زى جراح خايب...مش عارف يعمل حاجة
فبيألف مع نفسة
يمكن حضرتك فاكر أنى بتكلم من مُنطلق عاطفى أكتر منة واقعى
بس الحقيقة ان احنا اللى عملنا كدة فى نفسنا وخلينا رقبتنا تحت رجليهم!!!!!!
لحد أما بقينا مش عارفين نتنفس قبل ما نستأذنهم
كمان موقف الدول العربية ان كل واحد يرمى الكورة فى ملعب التانى ويرموا الإتهامات على بعض
بجد حاجة تشل..!!
مش عاوزة أطول
بس حاسة انى عاوزة أكتب كتير بس أفكارى مش مترتبة دلوقتى!!!!!
لو افتكرت حاجة هرد تانى