[الاستاذ على الدين يحيى]

أنا بقى تننتى قاعد لغاية ما السيما كلها روحت والناس وصاحب السيما ورحت طالع لوحدى وشغلت شريط الفيلم من الاول تانى . اصل الفيلم عجبنى قوى وممعاييش فلوس عشان اخشه تانى . المهم المذيعة او الصحفية سندريلا كانت رائعة فى حوارها بجد تسلم من كل ردى ويارب يوفقها ونشوفها محققة كل اللى تتمناه . اما الضيف فقد كان من الذكاء بحيث عرف يهرب من بعض الاسئلة اللى مش على مزاجه . بس نفسى اعرف ايه حكاية زوجة المستقبل دى ؟ هو لسة ماتجوزيشى لغاية دلوقتى !! طب هو الفرح امتى ؟ وفى اى غيط ؟ وفى الشروق ولا الغروب ؟ وبعدين انت لسة بتصطاد بالبوصة بتاعة زمان ؟ وايه اخبار البساريا ؟
عموما الضيف محاور زكى وصاحب اسلوب متميز وشيق يجعل المشاهد يقعد غصب عنه للاخر دون ملل او زهق بدليل انى قعدت اعيد الفيلم لغاية الصبح لغاية لما جه صاحب السيما ومسكنى . وانا الان اتحدث اليكم من الزنزانه رقم 17 قسم المشاهدين المدمنين !
ملحوظة : كتبت الرد باللغة العامية .. ليه ؟ ماعرفشى !!