اخى الكريم مستر صمويل
انا تحت امرك
اسمح لى فى البداية انا احييك على نشاطكوحماسك ورغبتك على التعلم والمعرفة لان طلب العلم يحتاج الى صبر وتحمل
اولا ابدا بتعلم قواعد الانجليزية كويس وبخاصة ما يتعلق بالتعاملات اليومية
لان تدريس الرياضيات بالانجليزية يتطلب ان تكون ماهرا بالانجليزية وللاسف ناس كتير حتى من المتخصصين فى هذا العمل لا يحرصون على ذلك وربما فى احيانا كثيرة مفكرين انه الماس شوية رموز وخلاص
ثانيا ابدا بكتب الابتدائى يبقى معاك كتاب الماس بالعربى والانجلش
هتلاقية هو هو نفس الشرح ونفس المسائل مع الترجمةوللاسف حتى دا احيانا كثيرة الترجمة حرفية وهذا فى الانجلش يخل بالمعنى واحيانا تلاقى اخطاء بالكتب لان المفروض ان اللى يترجم الكتب يبقى دارس ماس وانجلش
بعد كدا تعلم الصوتيات وطرق النطق السليم حتى يمكنك التصفح فى القواميس لمعرفة النطق السليم والتصفح لمواقع الرياضيات عبر النت بطلاقة واختيار افضل الاعمال المناسبة وايضا البرامج
زى البرنامج الجميل اللى حضرتك جبته
باختصار من الاخر لازم يكون التدريس بالانجلش عندك هواية اصلا مش مجرد عمل لان الماس فى حد ذاته اكيد انت بارع بيه - يبقى المهم اللغة وتسخيرها فى تدريس الماس
لانك المفروض تتعامل فى الفصل زى ما مدرس الانجلش بيشتغل من تمهيد ومشاركات من جانب الطلاب ونواحى ادارية وايضا فنية وغير ذلك
تقبل تحياتى وتحت امرك