حبيت أضيف حاجة بس أن في وجهتين نظر سمعتهم من 2 صحابي كانوا بيتناقشوا في الموضوع ده
الأولى أن في منتجات كتير بلدنا واخدة توكيل بصنعها في مصر بأيدي عمالة مصرية و في مصانع مصرية و الشركة الأصلية مبتخدش إلا نسبة بسيطة جدا من الربح
فمقاطعتها حتضرنا أكتر منهم
الثانية أن صاحبي التاني قال له معلش بس احنا مش عاوزين نديهم النسبة الصغيرة دي يقتلوا بيها اخواننا
الحاجة بقى اللي عايز أضيفها من عندي هل الشركات دي فعلا بتدعم الحرب ماديا
يعني هل احنا شركاتنا المصرية دعمت حملات التبرع لفلسطين أو جعلت جزء من ربحها ليهم
فليه احنا معتقدين أن مقاطعتنا حتوقف الحرب هي ممكن تكون وسيلة عشان الشركات ذات النفوذ الاقتصادي تضغط على الحكومة لكن انها توقفهم من الفقر معتقدش
و الله أنا مش ضد المقاطعة و لا معاها دي كلها خواطر تدور في رأسي و مش عارف أيها الصواب
__________________
الإعادة الأولى السبت 12:00 صباحا يعني في نفس يوم البث المباشر
الإعادة الثانية الأحد 03:00 عصرا
الإعادة الثالثة الإثنين 09:30 صباحا
آخر تعديل بواسطة Ph.Sameh ، 31-01-2009 الساعة 01:55 AM
|