بسم الله الرحمن الرحيم
اولا قبل ما ابدا كلام في شغل الادارة وكدا يعني
يااستاذ اشرف
احنا جميعا
بنطالب
برفع اشراف و وقف
الاخ الكريم
عادل حسان سليمان
مشرف قسم خبر وتعليق
واتفضل لينك الموضوع دا يا استاذ اشرف
وحضرتك هتعرف الموضوع كله ان شاء الله
عشان مش نتكلم فيه مرتين هنا وفي الموضوع الاصلي
وطبعا كل الناس وكل المشرفين والاداريين بيطالبوا بكدا
مش انا لوحدي
وبتهيألي يعني اكيد حضرتك لما تشوف الموضوع المفروض انك تقرر كدا
نشد خط بقى ونبدأ في المهم
_________________________________________
بما اننا مش عارفين مين هيحضر الاجتماع ومين مش هيحضر
وبغض النظر عن مين هيحضر ومين مش هيحضر برده
لاني شايفة ان حضورنا للاجتماع قبل ما نحل المشاكل هنا من غير ما نتقابل مش ليه اي فائدة
والاجتماع هيبقى حيص بيص 
ان شاء الله
وهتقلب نكد ومش هنطلع بقرارت
ودا انا متأكدة منه 
المهم عشان انا رغيت كتير
اولا :
انا واللورد ( محمد الشربيني ) ان شاء الله باذن الله
هنعمل حصر كامل لكل مشرفين المنتدى
وياريت كمان ناصر يدخل معانا في الموضوع دا عشان ننجز كمان
وهنتابعهم كلهم لمدة اسبوع
( طبعا ما بينا ان شاء الله احنا الاداريين هنقوم بتقسيم المشرفين علينا )
يعني مثلا انا اتابع مشرفين العام
واللورد مشرفين القرية الذكية
وهكذا ..
واذا كان في مشرف سوبر
يبقى الف بركة
هيساعدنا في الموضوع دا
وهنطلب منه كل فترة
تقرير عن المشرفين الي عنده في القسم
ولو كان عنده ملاحظات على حد فيهم او شايف ان في حد فيهم مش نشيط والمفروض يتغير بواحد تاني هو شايفه مناسب
واحنا محتاجين موافقة حضرتك اننا نعمل اعلان في الرئيسية وفي الاقسام بالموضوع دا
بحيث ان كل المشرفين والمشرفين السوبر يشوفوه
وطبعا احنا هنعمل صيغة الاعلان وهنوريه لحضرتك ان شاء الله
قبل ما ينزل
نشد خط تاني
_____________________________
ثالثا
عاوزين ان شاء الله بعد ما دا يحصل
نجتمع على الميل حتى
انا موافقة
والله لاعمل ميل جديد مخصوص عشان الاجتماع دا
نجتمع فيه احنا مع حضرتك بدون اساتذة ومدرسين
نتفق فيه ونقسم الشغل بين الاداريين فيه
عشان يبقى شغلنا منظم ونعرف راسنا من رجلنا
وبلاش تقول اجتماع معرض الكتاب
لان زي ما قلت لحضرتك
مش هينفع احضره
وفي ناس برده عندها ظروف
وممكن اي حد يحصل ليه ظرف ومش يعرف يحضر
خليها كونفرنس دا حل مناسب للجميع
وبرده حضرتك تقدر تعمل اجتماع معرض الكتاب برده
بس في وجهة نظرنا الكونفرنس هتكون اهم بكتير من اجتماع معرض الكتاب
كمان خط
____________________________________
في حالة ان في قسم عليه 2 مشرفين
زي العام مثلا
لازم نحل المشكلة دي ونقوم بتحديد دور كل واحد فيهم
لان كتير بيحصل تضارب في الاراء وفي نقل المواضيع وحذفها
وفي القرارت الي كل مشرف بيآخدها والي بتخص القسم دا
كمان خط واستحملني بس نعمل ايه
كلام مهم والله
___________________________
في حاجة مهمة جدا كنت هنساها والله هو محمد ناصر اتكلم قبل كدا عليها
المنتدى يا استاذ اشرف
بطئ جدا وبيقع كل شوية
بيجي عليه وقت كل دقيقة يقع
دا كدا وهي شهادة ابتدائية واعدادية بس
فما بال حضرتك لما يبقى في الصيف والثانوية العامة وجمهورية مصر كلها على النت والناس بتتقاتل عشان تعرف النتيجة ؟؟
في اعضاء كتير اشتكت من الحتة دي
والساعة الي اتقفل فيها الموقع امبارح مش فادت بحاجة
ياريت حضرتك تحل المشكلة دي
وكدا يبقى افراج
ودا آخر خط نشده ان شاء الله في الموضوع دا
____________________
آخر حاجة ياااااااااااريت يا استاذ اشرف تهتم بالموضوع دا وتقراه كله
ومستنين رد حضرتك
وفي رعاية الله
وآسفة على الرغي
وايدي وجعتني
والسلام عليكم ورحمة الله وبركاته