[أسيل رزق]

المشاركة الأصلية كتبت بواسطة frankenstein

ههههههههههههههه
أنا لمض
احتمال بجد معرفش
بس المؤكد فعلا اني بحب اهزر كتير
وصعب جدا ودا عيب اني اخد الامور بجدية
او ممكن تكون دي الطريقة اللي تناسب العصر أو الحياه اللي بنعيش فيها
يعني زي ما بيقول أوسكار وايلد
"الحياة من الاهمية بحيث لا يمكن أخذها بجدية "
أو بمعني تاني ممكن تكون روح المرح او السخرية بتتناسب
أكتر من العصر اللي بنعيش فيه
يعني الانسان وصل حاليا لدرجه عاليه جدا من التقدم
والحضاره
والموضوع دا زي ماليه جانب ايجابي واضح جدا
بيكون ليه برضه جانب سلبي
يعني بالنسبه للتقدم التكنولوجي ف مجالات الحياه نفسها
الانسان زاد شعوره بالوحده واليأس
الانسان ف الحياه عامل ثيديوس ف الميثولوجيا الاغريقية
أنقذته حبيبته اريان من المتاهة بان أمسكت بطرف خيط وساعدته للخروج من المتاهة
احنا ف الحياه بندور ع الخيط دا الخيط اللي يساعدنا ف التخلص من شعورنا بالتوهان او اليأس
بس للاسف مفيش فايدة
والتقدم العسكري أثري شعور الانسان بالخوف
الخوف ع مستقبله او الخوف ع حياته
وبالتالي الاسلوب اللي بيناسب العصر دا بيكون المرح او الكوميديا
لان الكوميديا بتكون ناشئه عن اليأس من وضع قائم
وبالتالي بتكون أفضل طريقه لعرض مساوئه او محاوله
تعديله للاحسن
زي ما بيقول الاديب والفيلسوف فولتير
الضحك ع كل ما يستحق الضحك هدف ف حد زاته

ياااااه كل ده علشان اللماضة صدق القائل : عندما نقف أمام بسام رشوان نصبح أميين

سيادة الوزير إيه إنطباع حضرتك عن المنتدى فى الوقت الحالى ؟؟

هههههههههه
طريقك مسدود مسدود يا ولدي
المنتدي صوره مصغره جدا لبلدنا العزيز مصر
يعني بصراحه المنتدي أول ما اشتركت فيه
استفدت كتير م الناس اللي كانت معايا ف المنتدي
كان فيه ناس قمه ف الاخلاق والثقافه
بجد كانوا أمثلة أي منتدي بيتمني ان يكون فيه شخصيات بالمستوي دا فيه
بس معظمهم طفشوا والباقي منهم نشاطهم قل
ودا ميمنعش اللي فيه حاليا برضه شخصيات كويسه
بس مش بنفس الكاريزما او التأثير اللي كان للشخصيات الباقية

يعني المنتدي بينطبق عليه وصف المتنبي لمصر
" وكم ذا بمصر من المضحكات.... ولكنه ضحك كالبكا "

بس

فعلاً أعضاء زمان دول كانوا شخصيات محترمة جداً ومازالوا

بما إن الجو جميل والمنتدى بيقع كل ثانية ولعنة الفراعنة شغالة تمام

هسأل سيادتك سؤالين

بكل صراحة يا دكتور ممكن تذكرلنا 5 أعضاء بما إن سيادتك رئيس الوزراء توقفهم وقف نهائى .. يا ترى مين ؟؟ وأسباب إختيارهم

وفى نظر حضرتك مين أكتر الأعضاء اللى بيذكر حضرتك بالمنتدى زمان وأعضاء المنتدى زمان ؟؟