[اشرف المصرى]

الهيصة بتاعت كل مرة
الوزير يصرح
ومجلس النواب يأكد
والناس تتخيل ان المدرس واكلها ولعة

والتنظيم والادارة يعمل بحوث وقرارات وياخدوا مكافات

وفى الاخر ياخد المدرس الخازوق

زى الكادر كده ويبقى قدام الناس مرتبه 8000 جنيه
نفس نصبايه حسين كامل بهاء الدين

يا جماعة اللى الغضب يعمهم ومش عارف ايه

كل الكلام ده اونطة
المدرس بيقبض فى ايده بعد 23 سنه خدمة 2400 جنيه مش 6000 جنيه زى الدكتور ما بيقول

الصحفى والطبيب وغيرهم نرجوا ان يكتبوا ما يقبضونه فعلا بكل البدلات وليس الاساسى فقط
ساعتها ستعرفون ان المدرس مطحون اكتر منك

مدرس حديث بيقبض فى ايده مش كلام جرايد 1120 جنيه ايوه الف ومائة جنيه يعيش ازاى

طب خدوا الكبيره مدرس طالع على المعاش بعد سنه بيقبض فى ايده 3200 جنيه ايوه

قارنوا وشوفوا

ويا وزير التعليم ويا حكومة ارحموا المدرس

وبلاش تهيجوا الدنيا على الفاضى دى لعبه خطرة

لان المدرس هيمد ايده لولى الامر واللى ما ينفعش بعصايه موسى ينفع بعصايه فرعون