[ميس هدى خليفة]

المشاركة الأصلية كتبت بواسطة أ/رضا عطيه

المشاركة الأصلية كتبت بواسطة أ/رضا عطيه

ونحن قرب نهاية أيام الخير ونستعد لاستقبال عيد الفطر المبارك

كل سنة وكل ربوع دول الإسلام بخير ويمن وسلام



لايختلف رمضان فى محافظة الغربية عن باقى محافظات مصر

يستقبل الناس رمضان بفرحة عارمة ويزداد الكرم والجود فى هدا الشهر الكريم

وربى لو هدا الكرم والعطاء الواسع فى الكرم والجود استمر شهر واحد بعدرمضان لانصلح حال كل الدول الاسلامية

يعتب على البعض لحنينى للماضى عندهم حق وأنا برضه عندى حق

لأننى من عشر سنوات كنت أتناول إفطارى وسحورى فى أسرة متكونة من أكثر من ثلاثين شخص بين رجال ونساء وأحفاد

اليوم أتناول الإفطار والسحور مع ثلاث فقط ومعظم الباقى رحل لخورسيد إسكندرية

كنت زمان بقول خلى خورشيد تنفعهم

دلوقتى بقول منك لله ياخورشيد يامفرقة الجماعات

وأظن أنا هنا قلت خورشيد وماجبتش سيرة إسكندرية عشان الإسكندراتية مايزعلوش

نصيحة لكل أولادنا فى رمضان وطبعا النصيحة لمن يتقبل النصيحة فقط
طالما ربنا سبحانه وتعالى منعم عليك بالتجمع مع أهلك وأخونك فى رمضان

فاجعل من كل يوم فى رمضان عيد


ولأننى من عشاق الكشرى الغرباوى عازمكم على كشرى وماتخافوش هيبقى جمبه المشويات والمقليات وكل السلطات

وماتحاولوش - الفطار عندنا هيضيع الدايت يعنى هيضيعه

يلا متعوضه والمهم كل سنه وكلنا بخير

تسلموا جميعا

اهلا اهلا بك ا/ رضا



صدقت - الدنيا محطات - الاولاد يكبرون والاهل يتفرقون ولكنه حال الدنيا



علينا ان نحاول قضاء اوقاتنا فى فرح قد المستطاع



ربنا يسعد اوقاتك ويفرح فقلبك يارب باولادك وكل افراد اسرتك الكريمة





وخورشيد مش بعيد هههه اقرب من القطب الشمالى - يالا شد الرحال



وسافر زور الاهل واعمل احلى تغيير - العيد قرب ويالا عيد وافرح معاهم



- وطلعت من اهل الغربية - تعرف انك بلديات ابى رحمه الله وزوجى ايضا



وهو حتى اليوم ورغم قضاء معظم عمره وعمله بالاسكندرية الا انه مازال يرى الغربية



دى الدنيا بحالها وكل اللى بيجوا منها هما احسن ناس فى الدنيا ههههههه


ويسعد ويفرح جدا اذا رأى سيارة ملاكى الغربية بالاسكندرية ههههههههههه


يالا انا اول واحدة جاية فى الكشرى ولو انى مش كيييييفة كشرى بس برضة الكشرى لا يمكن مقاومته



كل سنة وانت طيب ا/ رضا وبانتظار اسهاماتك الحلوة دائما