[عز وحيد]

السلام عليكم ورحمة الله وبركاته
انا النهارده يا جماعة حابب انى اتكلم فى موضوع مهم جدا جدا واصبح ظاهرة غريبة ماينفعش بجد نسكت عليها
والظاهرة ديه هى الجرأة الزائدة عن حدها للبنات
بجد انا بقيت بلاحظ ان الموضوع ده بقى زيادة اوى عن حده وان البنات بقت جراتهم زيادة اوى عن اللازم
بس ثوانى عندى تنبيه هام
كل أعضاء الثانوية استثناء من هذا الكلام ومش مجاملة بل فعلا يعنى انا لا اقصد التعميم وكمان فيه بنات اكثر من محترمة بس انا قصدى على نوعيات معينة كلنا عارفينها كويس
المهم الموضوع ده يا جماعة بقى شاغلنى اوى وحارق مى كامن جدا بقيت بشوف اشياء ما ينفعش السكوت عليها بجد حاجات تحرق الدم هحكيلكم على موقف معين يعنى حصل معايا
فى يوم كنت ماشى فى شوارع العاصمة ولقيت مجموعة بنات فى العشرينات من عمرهم واقفين فى الشارع
وكانوا بيبيعوا حاجات بصراحة مش قادر اقولها لأنى بجد ببقى محروج وانا بشتريها من اماكنها الطبيعية فما بالك انى اشوف بنت بتبيع الحاجة ديه فى الشارع كده عينى عينك على عينك يا تاجر يعنى
المهم الحاجات ديه كانت ما كينات حلاقة انا بصراحة لما شوفت الموقف كنت هتجنن قولت فى عقل بالى هو مافيش يعنى غير البنات الى يبيعوها وكمان فى الشارع ومافيش غير ماكينات الحلاقة الى يبيعوها
المهم انا شوفت الموقف ده استغربت لدرجة الجنان وما كنتش عارف اعمل ايه ولا اقول ايه وكنت عاوز اتكلم مع البنت الى بتبيع الحاجات ديه واعرف ليه يعنى هما شغالين فى كده وايه الميزة وانصحها تسيب الشغل ده
بس طبعا كنت عارف الرد مسبقا فقولت اريح دماغى وما اتعبش نفسى وكمان ما اسمعش كلام مش كويس
المهم مشيت
انا بس بحكيلكم على الموضوع ده عشان اوريلكم الجراة وصلت لحد فين
يمكن حد يكون موجود هنا ويقولنا على حل للموضوع ده لأن بجد ده من اهم اسباب ضياعنا
وبصراحة انا مش لاقى حد بيتكلم فيه
فقولت اتناقش فيه مع اعضاء الثانوية الى دماغهم جميلة اوى وبحب اتناقش معاهم
انا بصراحة ما بقيتش احب امشى فى الشارع زى الاول بسبب الى بنشوفه فى الشارع
اتمنى انى ما اكونش طولت عليكم وياريت تناقشونى فى الموضوع ده يمكن نلاقى حل