السلام عليكم و رحمة الله و بركاته
بصو احنا كلنا دكاترة زى بعض و ان شاء الله نفهم بعض
بصو يا دكاتره
الموضوع انا حذفت من شويه فيه حاجات كتير جدا و حاجات كمان مكنتش عايز احذفها
بس فى نقطه ان احنا بعدنا اوى عن هدف الموضوع
الموضوع اما نزلته دكتوره فراق كان هدفه
ان طلبة الفرقه الاعدادية بصيدلة اسكندريه
يلاقو بعض دايما فى كل ما يخص الدراسه
اى حد يقف ادامه سؤال اى حد معاه سلايدز للعملى و هكذا
انا دخلت لقيت الموضوع فى حاجات دينيه و ثقافيه و غيرها
ماشى جميل جدا مقلناش حاجه
بس ليه نقتصر الافاده على نفسنا احنا بس
و ليه كمان نقتصر على الموضوع ده و نسيب باقى الاقسام
انا بلاقى اعضاء هنا نشيطين جدا فى القسم و مش بشوفهم بره القسم نهائى
يعنى يكون عندى معلومه دينيه انزلها هنا
ثقافيه برده هنا و هكذا
كده بجد احنا بنضيع قيمة الموضوع
انا بجزم بجد ان الموضوع ده من افضل المواضيع اللى فى المنتدى كله
ليه نضيع هدفه الرئيسى و ليه نقتصر على نفسنا ان احنا منخرجش بره الموضوع ده
دى اول نقطه ان هدف الموضوع زى ما قلنا كل ما يتعلق بالدراسه
اما غير الدراسه كل جزء و مكانه فى المنتدى
نيجى لتانى نقطه بقى الموضوع بجد اكتر حاجه تفقده قيمته انه يتقلب شاات
بجد لا يا جماعه الموضوع اقيم من كده
بجد كلكو يا دكاتره عاملين شغل كويس فى القسم سواء دكتور احمد او دكتوره فراق او طفلة الامس او دياموند او دكتور مريم كلكو بجد عاملين شغل كويس جدا فى الموضوع ده و بتساعدو بعض كويس جدا ربنا يجازيكو خير بجد
عشان كده بجد مش عايزين نقلب الموضوع شات عشان يفضل قيم زى ما هوا
طيب انا لقيت فى ردود بتقول
ان احنا فى الدراسه بنتكلم عن الدراسه
طب الاجازه نسيب الموضوع يموت؟؟
اولا نجاح الموضوع من نجاح الموقع و فشله من فشل الموقع
يعنى اللى عنده شئ كويس يخص اقسام تانيه هيلاقى نفس زمايله فى الاقسام التانيه بترد عليه و غير زمايله و ده هيقربه اكتر من اعضاء تانيه
لكن الموضوع ده هدفه دراسى فقط
لا شات ولا اى حاجه خارجه عن الدراسه
و الموضوع عمره ما هيموت لانه معاكو ال 5 سنين باذن الله
اى معلومات عن كورسات او ما يخص صيدله ممكن تستفيدوا منها هنا فى الموضوع بشرط انه ميتقلبش شات
اتمنى مكونش ضايقتكو يا دكاتره
و ربنا يوفقكو فى النتيجه و فى مشوار الشقاء ال 5 سنين
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟
|