بسم الله الرحمن الرحيم
السلام عليكم و رحمة الله و بركاته
كلامي المره دي هيكون مختلف حبتين
حديثي ده من القلب للقلب
هنا هنشر شجوني
و هنشر آهاتي
و هبعت محبتي
لـ"إنسانه"
دايماً غمرتني بحنانها
سحرتني بحبها
هي الدفا في الشتا
و هي الزهر في الربيع
و نسيم العطر في الخريف
و الظل في الصيف
و هي روحي و حياتي و كياني
هي آمالي و اشواقي و امنياتي
و احلامي و حياتي كلها
عرفتها و انا صغيره
و حبيتها من نظره قصيره
جمعني معاها فصول دراسيه
و قضينا ايام جميله
عشت وياها لحظات ماتتنسيش
فرح و حزن و كل حاله
مشيت سنين
معاها احلام
منها احلام ماتت و منها احلام عاشت
و بقينا سوا
زي اجمل وردتين
جمعنا غصن واحد
و الرياح مأثرتش فينا
قعدنا مع بعض كتير
و لما الأيام تعدي
بنتمسك ببعض أكتر
يا سلام..ايام جميله
وكنا هنفترق في لحظة غضب
لكن الغصن اللي ماسكنا
قوي اوي اوي
ايوه غصن
الإخوه الصادقه
غصن النقاء و المحبه
غصن التضحيه و الحب
غصن الحب في الله
اخدنا على نفسنا عهد اننا مانتفارقش
و مننساش أيامنا الجمله و الذكريات
علشان نسافر لبلاد
مش زي بلادنا
مافيهاش حد زي بلادنا
و ديور مش زي ديورنا
و قررنا مواصلة المسيره سوا
لكن سفينة الحب رفضت انها تكمل المسيره
كانت رحله جميله
رسيت في شواطيء المحبه
و الإخاء
و إحنا لسه مع بعض
فعرفتها اكتر و اكتر
و غمرتها بحبي
و كانت "ورده"
ولا اجمل ورده
بتضحك لضحكتي
و بتبكي لبكايا
بنام على صوتها
و بصحى على غناها
كلماتها كانت وناسه في الوحشه
و كانت الصحبه في الغربه
دي "اختي"
اللي مش ولدتها امي
هي كل حياتي
لو قلت هي
روحي
حياتي
قلبي
عقلي
بالي
اكيد عرفتوها
ناس بتقول دي
"رفيقة الدرب"
و ناس تانيه
بتقول دي
"صديقه"
و غيركم بيقول"صاحبه"
و ناس بتقول "انتيمتي"
و أنا بقول"اختي في الله"
و مهما دورت على اسم مش هلاقي اجمل من
"اختي في الله"
لإن الأخاء في الله
هو اللي هيودينا الجنه
هو اللي هيخلي ربنا يظلنا بظله يوم القيامه
و اخيراً
اسمحوا لى ابوح بإسمها
و اعلن عن الإنسانه
لا "الدُره"
حبيبتي في الله
(مـنـى)
اللي هي العضوه الجميله << M >>
==
والله كان نفسي يا منى اكتب لك احسن من كده
بس انتي عارفه اني وزن و قافيه في الضياع 
بس اتمنى اكون قدرت اعبرلك عن جزء من مشاعري
اختك في الله
بوسي 
مصطفى