[MohammeD el_SadaT]

أنا عارف إن مش من حقى إنى أعترض الرد أو أقول حاجه بس أنا بس حبيه أوضحلك نقطه

السادات مش باينلوا ملامح ولا شخصية شوية ضد حد من المشرفين الاداريين وشوية ضد أستاذ أشرف وشوية ضد إسلام .. حاجات كده كتير

كلامك ده لو دل هيدل على إن السادات مش مع حد وأى حد يعرفنى كويس هيبقى عارف إن علاقتى الشخصيه به بره المنتدى شىء وداخل المنتدى شىء تانى خالص .
عشان كده أنا شويه بهاجم ده وشويه تانيه بدافع عن نفس الشخص وهكذا والسبب بسيط جداااً
إنى لا مع ده ولا مع ده أنا مع اللى مسلوب حقه لحد ما أقدر أرجعه أو أيأس وأنا مش بيأس بسهوله دى كل الحكايه
لكن أنا عمرى ما كنت مع الموجه ولا حاجه .

إنتو بس اللى فاهمين غلط وفاهمين إن مع مصلحتى رغم إنكم لو أخدتو بالكم كويس هتلاقو إن المصلحه بتبقى مع الحق عمرها ما كانت مع الباطل .

عشان كده أنا ساعات بدافع عن الأستاذ أشرف رغم إن فى أغلب الأحيان بيبقى غلط وبقف وأقوله إنت غلط لكن ده مينعش ان لو صح فى حاجه ومتوجهله إساءه خطأ أهاجم اللى بيسىء وأقوله إنت خطأ .

بلمختصر المفيد أنا بفصل بين أى موضوع والتانى يعنى ممكن ردى يكون متناقد فى موضوعين بس ده بيبقى حسب المشكله .

وياريت تكونى فهمتى وجهة نظرى أما وجهة نظرك فهى إن عنت تعنى شىء واحد إنك على الرغم من إنك من أقدم الأعضاء معانا إلا إنك لسه معرفتنيش نهائياً وده بجد شىء يحزنى .
أنا قرأت كتير وعمرى ما رديت لأنهم كلهم أشخاص عمرهم ما إتعمالو معايا وبالتالى مش كان بيهمنى رأيهم لكن إنتى واحده من الناس اللى لما تقول عنى إن خطأ يبقى فعلاً إحتمال يكون فيه شىء خطأ
.

و
بجد آسف جداااً إنى تدخلت فى الموضوع بدون وجه حق أو سابق إنزار