موضوع جيد هادف
و لكن أخي الحبيب
عايز أؤكد لك معلومة هامة
سهل واحد يضحك عليك لفترة قصيرة
صعب حد يضحك علي الجميع لفترة قصيرة
صعب جدا بل مستحيل حد يضحك علي كل الناس لفترة طويلة
في المنتدي
بتحصل مواقف شبيهة بالمواقف الحقيقية في الحياة
تقريبا
و في الوقت ده
كل واحد بيبان علي أصله
و مواقفه بتعكس شخصيته كويس أوي
حتي كلماته اللي بينطقها لسانه
الشخصية بتبقا ((( مفقوسة ))) أوي
الكريم بتلاقيه في ردوده كريم
الغبي (( لا مؤاخذة )) هتلاقيه غبي في كل مواقفه و مشاركاته
الأناني ..العصبي ...الشرس...الطيب....الحنين....الراجل.....الجدع....
حتي البخيل هتلاقيه بخيل برضه في معلوماته و ردوده
لكن ده ما يمنعش فعلا ان لو واحد لسه جديد علينا يمثل علينا شوية في البداية
لكن بعد كده
بنجيب أراره !
زي بالظبط موقف حصل معايا هنا في المنتدي
شخص كنت فاكره ايه...زي الصحابة
قمة في الاخلاق و الادب و الناس تشكر فيه
و لما تداخلت معاه شوية و اتكلمنا مع بعض
لاقيته انسان ..........
ما علينا
بالنسبة لي انا شخصيا و شخصيتي
فأنا و الله العظيم علي طبيعتي جدا
لأني أساسا بكره التكلف و التمثيل و الحكاوي دي
و كتير بيتهمني البعض هنا في ردودي علي بعض الاعضاء المخالفين اني عصبي
و فعلا انا في الحقيقة عصبي
و مش هقدر أخبي حاجة زي كده
لكن عصبية في محلها
في الحق
لما يكون في مخالفات بشعة لا ينفع معها الصمت
و في الحياة عموما انا طيب جدا و الحمد لله ذوق مع كل الناس
يمكن انا ظاهر هنا في المنتدي اني حاد شوية في بعض الردود
بعكس الواقع في النقطة دي سبحان الله
مابقدرش ازعل حد من زملائي مثلا في العمل
أو أرفض لهم طلب
يعني
كل صفة علي حدة بتختلف بين المنتدي و الحياة الواقعية
عموما موضوعك رائع و صادق و مفيد
ألف شكر