[مستر أحمد حمدى]

المشاركة الأصلية كتبت بواسطة الضوء الشارد

حضرتك اتهمت مصر بالخيانة رغم ان حضرتك ماتملكش ادلة حقيقية على كده . ده كلام قاله الأعلام العربى الكاره لمصر. لكن حضرتك ماقلتش ان مصر دخلت عربيات اسعاف واغذية وناس مصريين ماتوا يايد حماس واحنا اللى عالجنا المصابين فى مستشفاياتنا ......

يا اخى يا ضوء يا شارد دا مش الضوء اللى شارد دا حضرتك اللى شارد الذهن ومغيب كما اغلب المصرييين

يا اخى لا تأخذك الحمية والعصبية فتدافع عن رئيس بلدك وهو مخطئ

انا مصرى واحب بلدى ولذلك لا احبها هاكذا

الم تشعر بالعار مثلى حينما خرجت المظاهرات تندد بما فعلة حسنى بيه مبارك حينما حاصر الفلسطينيين

مثلما فعلت اسرائيل ؟

دا اول امس تم اغلاق المعبر بشكل نهائى ومنع احمد منصور وغسان بن جدو من المرور الى القطاع

طبعا لانهم من الجزيرة اللى غطت الاحداث واسقطت القناع عن الخائنين ولانهم سيغطون اهوال غزة

ولانهما بالذات معقدين القيادة وخصوصا احمد منصور ببرنامجية بلا حدود وشاهد على العصر

بس ليا ملحوظة غاية فى الاهمية

حضرتك مردتش لية على النقاط التى قالها وجدى غنيم

ليه لم تعب على الحكومة المصرية انها تقتطع من قوت المصريين 100 مليون كل يوم تروح على هيئة غاز

دعما لاسرائيل والمصيبة ان المحكمة الادارية العليا تحكم ببطلان تصدير الغاز بأسعار تفضيلية لاسرائيل

وان فى ذلك اهدار للمال العام فترد الحكومة بكارثة ترد بأن تعترض على الحكم وامام محكمة غير مختصة

معتبرة ان نهب واهدار ثروة مصر من اعمال السيادة

كما لو كانت مصر بتاعت ابوهم

يا اخى عن اى اناس تدافع ؟

عار عليك هذا الموقف

وأرد على كلامك

مصر فعلا دخلت اغطية وأغذية بس بعد العدوان ما خلص ولمدة يوم ونصف فقط

وعالجت المصابين فى مستشفياتها وللأسف استجوبتهم عن كيفية مواجهة حماس لاسرائيل ؟ واين مخاذن

الاسلحة ؟

ولعلك لاحظت فى احدى الغارات الاسرائيلية وفى اليوم ال12 على ما اذكر استهدفت اسرائيل بناية فحدث

انفجار هائل مما يدل على انها اما كانت مخزن لأنابيب البوتجاز وهذا مستبعد لان بسبب الحصار لم يعد هناك

انابيب بوتجاز او ودا الاكثر صحة انه كان مخزن اسلحة

اما بالنسبة لقتل حماس لمصريين

هذا هراء فليس كل غزة حماس ولم يحدث ان قتلت حماس مصريين

ولماذا لم نسمع عن ضباط الحدود الذين قتلوا بيد الاسرائليين والذين وصل عدد الجنود والضباط فى العام الماضى

حوالى 7 ولم يصدر سوى اعتذار من شيمون بيرز وان القتل كان خطأ

اما بالنسبة لعدم دخول حسنى بية مبارك الحرب

دى الكلمة الخايبة اللى الضعفاء بيرددوها وكأننا اصبحنا فى الفردوس بسبب السلام

وكأننا لم نخسر 100 مليون كل طلعة شمس

وكأننا نرفل فى الغنى والرخاء

ونسيت او تناسيت ان منا من قتل فى طوابير العيش أو مات فى قطارات الغلابة اللى ولعت بيهم

ولا مات وهو رايح يجيب قرشين من السعودية فى عبارات ممدوح اسماعيل

يا اخى من منا يحب الحرب اننا نبغضها جدا ولا نطالب القيادة الحكيمة الراشدة بالحرب

لكن لا يشاركوا فى حصار اخوانهم ولا يبددوا ثرواتنا وان ينصتوا لهذا الشعب الذى اعياه حكمهم

وحسبنا الله ونعم الوكيل