ويفيد بإيه إنى أكون
ف عيونك انتى زى فارس
فارس وجى يخطف أميرتُه
تدوب ف سيرتُه
والا ماتدوبشى
أحكم عليكى
والا ما احكمشى
وانده عليكى
وصوتى مايوصلشى
ويفيد بإيه سفر الأمير لبلاد بعيده
عَند الدينار
لاجل ما يجيلك فتى
يمد الخطوة قبل الخطوة يخبط بكل العزم بابك
يلتقى القلب متحول
يلتقى الشوق كلام
يلتقى النور ضلام
والتقى قلبى وحيد
عمّال بيسأل
ما حيلتُه غير الأسئله
عمال بيرحل جوّه فى دمى
القلب الاخضر حالف مايرجع
قبل ما يحقق مراده
والمراد لما يلاقيه هايفيد بإيه؟
|