يا وهوي
انتو عيال مفترية بجد يا ولاء انتى وزوزو
مش مشكلة اللي ع الكرسي
دة قدره
اعملو حساب اللي هايقرا 
ههههههههههه
اعملي حساب اللي بيكتب
انا بحب اكتب بالاسمر
اعمل ايه دلوقت
طبعا مش لاقية اسئلة جديدة منكو لله
المهم معانا ع الكرسي دوك بسام
تقدر تقولنا ازاي كطبيب المفروض بيدي الامل للناس ف الحياة
وانت اساسا متشائم او محبط بالشكل دة ؟
مش شايف انك انت وكتير من جيلك مزودينها شوية ف الحتة دي
يعني (على سبيل المثال لا الحصر)
لو قارنا بينك كمصري عايش ف بلد مستقلة سياسيا
(ومن غير فلسفة وتقولي احنا احتلالنا مننا فينا وحاميها حراميها وبتاع)
وبين مواطن فلسطيني او عراقي نص اهله راحو ف حرب او قصف
وانت عايش وسط اهلك
هو بيته وقع
وانت بتتكلم من قدام الكمبيوتر بتاعك
واحتمال تخرج بعد الضهر تتفسح مع صحابك
بينك وبين حد اهله سيبوه التعليم عشان ممعهمش
او مفيش عائل غيره مجبر انه يصرف على اهله
وانت ما شاء الله وصلت الجامعة
وبتاخد مصروفك من والدك
اي واحد من دول ممكن يكون مبسوط وراضي وقانع اكتر منك ومن ناس كتير زيك
مش شايف ان دي فيها مبالغة شوية منكم ؟
كليتك .. مش عارفين لحد دلوقتي اذا كنت حاببها ولا لا
انت دلوقتي بتقول فيما معناه لا
ولو تفتكر ساعة ما سالتك مدحت ف طب اد ايه
ولان انت اصلا حاببها وبجملة التشاؤم يلا
انا هحبها ليه
اعمل ايه ف مجموعي .. مكانش جايب الا طب فغصبت على نفسي ورضيت ؟!!
هههههههههههههههه
جميل اوي اول سؤال
بتفكريني بوالدتي لما كنت بغضب ع الاكل وانا صغير
كانت بتقولي نفس الكلمتين 
بصي خلينا نكون منطقيين حبتين
ايه مفهوم السعاده من وجهة نظرك
يعني مثلا الاستاذ انيس منصور رأيه " نحن لا نعرف معني السعاده الا اذا تزوجنا ولكن نكون قد تأخرنا كثيرا "
الجمله دي اكيد وااقعية وحقيقية بس ملهاش علاقة بموضوعنا
بس حبيت اقولها بس
المهم ابسط واسهل مفهوم للعاده قريته
كان بيقول " السعاده هي صحه جيده وذاكره ضعيفه "
يعني مفهوم السعاده هنا شقين او نقطتين
سعاده مادية ف توافر الاكل او الشرب او الامان ودي محروم منها ناس كتير زي اخوانا ف غزه او افغانستان ...الخ
وفيه سعاده نفسيه
هل مثلا بمجرد توافر الاكل او الشرب بتتحقق السعاده
يعني اعلي معدلات انتحار بتكون ف دول دخل الفرد فيها اضعاف دخله ف بلد زي بلدنا
زي سويسرا او السويد او المانيا
كتوضيح او كمثال فيه رواية لدستويفسكي اسمها حلم رجل مضحك
رواية جميله نصيحه لو مقريتهاش اقريها
المهم الرواية ف اغلب احداثها بتتكلم عن حلم لشخص
الشخص دا حلم بعالم البشر قبل الخطايا
عالم البشر بيتعايشوا فيه مجتمع واحد ف سلام و امن
قبل ما البشر يعرفوا الكدب او القتل او العداء
وابتدي الموضوع بكدبه الكدبه ادت للغضب
الغض ادي للانقسام
الانقسام ادي للصراع او الحرب
الحرب ادت للدمار
يعني الوجودية كفلسفة انتشرت بعد الحرب العالمية التانية
نتيجه حاله اليأس او الخوف اللي سيطرت ع البشر
الفرق بين مدينه برلين قبل الحرب العالمية وبعدها مباشره
دليل ع اللي ممكن الانسان يسببه نتيجه لاندفاعه او حبه للسيطره
والنتيجه العصر اللي بنعيش فيه حاليا
عصر غريب او ممكن نقول
نتيجه للتقدم زاد شعور الانسان بالوحده واليأس
او برضه ممكن نقول نتيجه للتقدم العسكري
زاد شعور الانسان بالخوف ع حياته او ع مستقبله
ايه الامان اللي ممكن نلاقيه ف عالم ممكن يتداعي ف دقائق او ثواني
هل ممكن ان تتوفر السعاده المعنوية لانسان بيشوف مشاهد دمار او خراب
نيجي لنقطه تانية
هل معني شعور الانسان بكآبه الواقع انه يستسلم ليه او
زي ما بتقولي ازاي الطبيب يمنح مرضاه الشعور بالامل وهو يائس
الحياه كئيبه او ممله دا رأيي
بس اكيد برضه الحياه واقع الانسان بتعامل معاه
واجمل طريقه للتعامل مع واقع سئ او وضع يائس بيكون الشعور بالسعاده او المره
زي ما قال فولتير ..الضحك ع كل ما يستحق الضحك هدف ف حد ذاته
يعني الانسان ف الحياه اشبه بسيزيف ف الميثولوجيا الاغريقية
حكمت عليه الالهة الاغريقية "كانت فاضية والفاضي يعمل قاضي "
انه يدفع صخره من قاع الجمل لقمته وكل ما اقترب م الوصول للقمة الصخره تسقط مره اخري للقاع ...دواليك
الانسان ف حياته بيدفع همومه ومشاكله للقمه ف الحاله دي بتكون الحل
وكل ما اقترب م الوصول للحل اتعقدت مشاكله مره اخري
بس اللي خلد اسم سيزيف كأسطوره انه جعل من عذابه وسيله غيظ للالهة الاغريقية باصراره عليه واستمراره فيه
زي ما بيقول فيلسوف مش فاكر اسمه ..كلنا سيزيف
الانسان العادي بيعمل زي سيزيف عشان يستمر ف حياته
باصراره او بعقله ..الخ
بس
ياترى ليك هدف عايش عشان تحققه ؟
ولا عايش يعني مش ميت وخلاص زي غيرك كتير ؟
لو اه ايه هو الهدف دة ؟
وشايف انك عملت ايه عشانه ؟
حلمي اني اكسب احترامي لنفسي
بمعني تاني اعرف اكتر او افهم احسن او اكون انسان احسن م اللي انا عليه
حسنت كتير من اخلاقي
فيه حاجات كتير بطلتها
بطلت اشتم وتقريبا بطلت اضيع كل وقتي ف حاجه مش مفيده
قريت كتب كتير يعني ف حدود اربع او خمس ألاف كتاب
عدد مش كبير بس لسه قدامي كتير عشان احقق حلمي
حسنت اسلوبي مع والدي ووالدتي وبحاول احسنه مع اخواتي
وبحاول ع قد ما اقدر اسمع اكتر واتكلم اقل
ايه هي اهم صفة لازم تتواجد في :
الانسان والا ميبقاش بنى ادم بالنسبة لك
اكيد الانسانيه
اومال سموه انسان ليه
مواطن مصري
الكسل و المرح
طالب ثانوية عامة
لا دا مش محتاج حاجه غير دعا الوالدين
الام
روح التسامح اهم حاجه انها تقدر تسامح
انت (يعني صفة مش موجودة فيك ونفسك تبقى فيك)
هههههههههههههه
صفه واحده بس
فيه كتير طبعا
الجدية او النظام او الصدق او الشجاعه او التواضع
الجار
مراعاه الجيره او الطيبه
الصديق
برضه روح التسامح او الاحترام انك تقدر تحترم صديقك
حب من غير احترام صعب
دكتور الجامعة
البساطه مع طلابه
دي اهم حاجه
عضو منتدى ثانوية
دي حتبقي اجابه تقليدية
وياريت لو اجابة تقليدية او تقضية واجب متجاوبش احسن
اخر سؤال عشان نخفف جو الرخامة
ف لعبة who has the biggest brain ع الفيس لو لعبتها
بما انها داوشاني م الصبح
ايه هي اول نتيجة جبتها
واعلى نتيجة
واقل نتيجة
هههههههههههههههههههههههههههههههه
انا بلعب crazy taxi
تنفع ؟
انا لعبت دور م اللعبه دي بسبب السؤال دا دلوقت
جبت 1413
بالنسبة لاول مره
مش بطال
اعتقد كدة كفاية
وريلاكس خالص وانت بتجاوب
مش عايزة نرفزة عشان صوتنا ميعلاش
وانت فاهمنى طبعا