[super hero 1991]

المشاركة الأصلية كتبت بواسطة vampire1188

لا ياعم .. مش كدا خالص ..

اللي انتا بتقول عليه دا اعتقد انه ينطبق على قصة الف ليلة وليلة بتاعة شهرزاد وشهريار

انما القصة المتوارثة اللي الكل بيحكيها ان الرومان في عصر من عصورهم كانوا وثنين (بيعبدوا الاصنام يعني)

والامبراطور بتاعهم حكم على الجنود بتوع جيشه انهم مايتجوزوش عشان مايتشغلوش عن الحروب

بس كان فيه واحد معارض ليه اللي هوا القديس فالنتين دا ..

طبعا انا اعتقادى الشخصي ان دا راجل مؤمن .. لإنه كان مسيحي في عهد نزل فيه رسالة المسيح

المهم .. القديس فالنتين دا ماعجبوش الموضوع وعارض قيصر روما ..

فكان بيجوز الجنود للبنات بس في السر عشان القيصر مايعرفش

وطبعا مرت الايام والقيصر عرف بالموضوع .. فسجن الراجل

وعرض عليه انه يطلع من السجن مقابل انه يترك المسيحية ويرجع يعبد الاوثان معاهم تاني

طبعا القديس رفض .. وفضل السجن على انه يرجع يعبد الاوثان تاني

واثناء ماهوا مسجون كدا .. حب بنت السجان اللي كانت بتجيبله الاكل ..

فا اما القيصر سمع عن الموضوع دا قرر انه يعدمه .. وأعدمه فعلا

ومن يوميها بقي دا عيد القديس فالنتين ..

وانا رؤيتي الشخصية ان اليوم دا مش حرام زي ما بعض الناس بتقول

لإن دا واحد مسيحي آمن بالمسيحية قبل نزول الاسلام .. يبقي ايه المشكلة ..

وبعدين بعيداً عن انه مرتبط بقديس او مش بقديس ..

اهو مجرد يوم الناس بتفتكر فيه بعضها وخلاص .. زيه زي عيد الأم والعمال

وبصرف النظر عن دا كله .. مافيش احسن من التوفير ..

انا ايه اللي يخليني اروح اشتري دبدوب بـ 50 جنيه ولا ورداية بـ 4 جنيه ..

وكل الحاجات دي اصلا مصيرها الزوال والنسيان ..

على رأي أكرم حسني في نشرة الخامسة والعشرون ..

توفيرا على الناس وعامة الشعب تم دمج الاعياد في عيد واحد تحت مسمى عيد حب ام العمال !!

لأ يا حبيبي
انت عندك حق انه كان قديس قبل نزول الاسلام فكان مؤمن
بس مش معني كدة اني اعمل اليوم دة عيد
لان احنا المسلمون لا نعترف الا بعيد الفطر وعيد الاضحي المباركين
يعني احنا لا نعترف لا بعيد اب ولا عيد ام
وبعدين كل ديه افتكسات غربية زي ما اخونا ما قال بالظبط
وبعدين لعيد الام دة تاني قصة ووراها مصيبة