ازيكم يا كماحة
تمام ازيك انتى
بصوا بقى
نعم
الموضوع دة
مالة عيان
مهفوف (منقول يعنى)
اوك
بصوا جاوبونى على الاسئلة دى على السريع كدة
اوك؟
قلنا اوك
يلا بقى جاوبوا بسرعة بس من غير غش
انا شايفاكم 
بجد!!!
- عمرك سألت نفسك احنا ليه لما دخلنا المدرسة أو الجامعة عمرنا ما فهمنا حاجة ... غير
شوية كلام نحشى بيه دماغنا ونفرغه على ورقة الامتحان أو حتى منفرغوش أهو كله كلام عمرنا ما فهمناه ولا ناقشناه .
لاننا هدفنا حاجة واحدة بس ىهو اننا نجيب مجموع عالى
انما نفهم لية ازا كان اصلا المناهج الى بندرسها قديمة ومعقدة
ومش متطورة خالص وزى مابيقولوا مابنى على باطل فهو باطل
- عمرك سألت نفسك احنا ليه لما اتخرجنا من الجامعة كان المستقبل مجهول ، وان احنا اتعلمنا حاجة واشتغلنا حاجة تانية خالص ... ده لو لقينا شغل أصلاً .
الاجابة على السؤال دة مفروض للحكومة لانها المسئولة عن كدة
دة حتى الشغلانة التانية مبقتش موجودة
- عمرك سألت نفسك هو ليه لما بنشتغل المرتب عمره ما يكفى لآخر الاسبوع مش حتى لآخر الشهر .
لان طبعا المرتب مش كافى وفى الحالة دى ليدور على شغل تانى ومش هيلاقى
او يمسك ايدة زى مابيقولوا ويكون بخيل وبردة هيتم
- عمرك سألت نفسك هو ليه لما بتقضى مصلحة فى الحكومة عمرك ما تقضيها بسهولة ، وليه دايما حتى لو قضيتها يبقى الموظف مكشر فى وشك وخايف يضحك وشه يشقق .
لان الموظف دة زية زينا زهقان وقرفان ومش لاقى فلوس وولادة ومراتة
مغلبينة مصاريف
بس دة بردة ميدهوش المبرر انة يعمل كدة
- عمرك سألت نفسك هو ليه الاتوبيس دايما زحمة .
هى جت علية مكل حاجة زحمة
تصدقى انا عمرى مركبت اتوبيس وقعدت
- عمرك سألت نفسك هو ليه انت بتخاف تقرب من قسم الشرطة وضابط الشرطة وكمين الشرطة و"مخبر" الشرطة ؟ .
الطيب احسن
وابعد عن الشر وغنيلة
- عمرك سألت نفسك هو انت ليه بتخاف من السياسة والكلام فى السياسة ؟ .
لا انا مبخافش بتكلم عن السياسة بس فى البيت
- عمرك سألت نفسك ليه بتخاف تعمل مشروعك الصغير أو عملك الخاص ... وليه مافيش حاجة صغيرة بتكبر فى مصر ؟ .
عشان الكبار هما الى واحدين كل حاجة
- عمرك سألت نفسك هو ليه عسكرى المرور فى مصر بيكتب مخالفات كثير على الناس الغلابة ، أما الناس اللى هما مش غلابة مابيعملوش مخالفات .
هههه نظرة ضعيف
بصراحة معرفش
- عمرك سألت نفسك هو ليه فى ناس ولاد ناس ، وناس ولاد البطة السوداء .
عشان الفلوس بقت هى المعيار الاساسى لنبل الانسان فى الزمن دة
- عمرك سألت نفسك هو ليه الناس اللى معاهم كارت توصية بيشتغلوا وانت لأ ، هما يعنى ولاد مين فى مصر .
اممممممم
عشان الكوسة هى العملة السايدة فى الزمن دة
- عمرك سألت نفسك هو ليه فى مصر نتسأل هو انت ابن مين فى مصر ؟ .
عشان نغنى اغنية
قولى مصرى وابن مصرى وابن مصر الله علية
- عمرك سألت نفسك ليه الوظيفة فى مصر بقت بالوراثة ؟ .
عشان الضنا غالى وكل واحد عايز يشغل ابنة فى احسن وظيفة حتى لو كان مبيعرفش يفك الخط
- عمرك سألت نفسك لو حصلت مشكلة بينك وبين حد كبير ومهم "مخبر يعنى" تفتكر هتاخد حقك فى قسم الشرطة .
الله اعلم بجد مش عارفة
- عمرك سألت نفسك هو ليه كل حاجة لازمها واسطة حتى انك تجيب خمسة أرغفة عيش لازم تكون عارف البش مهندس الفران .
هههههههههههه
بجد اصلى مجربتش اشترى بس لو فعلا كدة العملية بقت متدهورة على الاخر
- عمرك سألت نفسك هى الحكومة بتضرب المتظاهرين ومش عايزاهم يتكلموا ليه ؟! هى الحكومة خايفة من الكلام ليه ؟ .
عشان ماما امريكا متزعلش
- عمرك سألت نفسك هو انت ليه مش بتقدر تجيب شقة تسكن فيها وتبدأ فيها حياتك ؟ .
الناس مبقتش لاقية تاكل يبقى هتجيب شقق
- عمرك سألت نفسك هى مصاريف التعليم زادت اوى كده ليه ؟ مادام التعليم مجانى !!!!! .
لان المصاريف رايحة للدروس الخصوصية
- عمرك سألت نفسك هى الشوارع بقت عشوائية كده ليه ؟ .
لان عمال النظافة بقوا يكسلوا
- عمرك سألت نفسك هو احنا بقينا مخنوقين كده ليه ؟ .
انا مش مخنوقة فى حياتى غير من الثانوية
- عمرك سألت نفسك هو الفساد والاهمال انتشروا كده ليه ؟ .
لان الناس من القهر الى عايشة فية مبقوش طايقين يشوفوا شغلهم
- عمرك سألت نفسك هو ليه الواحد بيدخل يشيل الزايدة فى مستشفى يطلع من غير الكلى وبدلها فوطة .
لا دى بتبقى حالات فردية
- عمرك سألت نفسك هو انت واخد حقك فى البلد دى ولا ايه ؟ .
انا لحد دلوقتى تمام
- عمرك سألت نفسك هو احنا مش عايشين زى الناس ليه ؟ .
مش فاهمة السؤال
- عمرك سألت نفسك هو انت ساكت على العيشة دى ليه ؟ .
يعنى هنعمل اية
ـ وفى الأخر ممكن تسأل نفسك هو انا بحرضك ولا ايه ؟
انتى مش بتحرضينى انى وجعتيلى ايدى
لالالالالالا خالص
الحياه حلوه والشعب زى الفل
وربنا يخلى لنا حكومتنا
يارب