ازيكم يا كماحة
بصوا بقى
الموضوع دة
مهفوف (منقول يعنى)
بصوا جاوبونى على الاسئلة دى على السريع كدة
اوك؟
يلا بقى جاوبوا بسرعة بس من غير غش
انا شايفاكم 
- عمرك سألت نفسك احنا ليه لما دخلنا المدرسة أو الجامعة عمرنا ما فهمنا حاجة ... غير
شوية كلام نحشى بيه دماغنا ونفرغه على ورقة الامتحان أو حتى منفرغوش أهو كله كلام عمرنا ما فهمناه ولا ناقشناه .
عشان نظام التعلم المتخلف ال فى مصر هو ال بيجبرنا على كده
- عمرك سألت نفسك احنا ليه لما اتخرجنا من الجامعة كان المستقبل مجهول ، وان احنا اتعلمنا حاجة واشتغلنا حاجة تانية خالص ... ده لو لقينا شغل أصلاً .
اديكى قولتيها
مشكلة البطالة
- عمرك سألت نفسك هو ليه لما بنشتغل المرتب عمره ما يكفى لآخر الاسبوع مش حتى لآخر الشهر .
طبيعة العيشة فى مصر
وجشع التجار
وظلم الطبقة المتوسطة
- عمرك سألت نفسك هو ليه لما بتقضى مصلحة فى الحكومة عمرك ما تقضيها بسهولة ، وليه دايما حتى لو قضيتها يبقى الموظف مكشر فى وشك وخايف يضحك وشه يشقق .
هههههههههههههههههههه
اصل احنا الموظفين عندنا فى مصر
رايح فين رايح الشغل جاى منين جاى من الشغل
بتعمل ايه فى الشغل ولا حاجة
بيتفرج على ال رايح وال حاى
- عمرك سألت نفسك هو ليه الاتوبيس دايما زحمة .
عشان 80 مليون مصرى عايشين على ارض صغيرة والكثافة السكانية كبيرة
- عمرك سألت نفسك هو ليه انت بتخاف تقرب من قسم الشرطة وضابط الشرطة وكمين الشرطة و"مخبر" الشرطة ؟ .
عشان ممكن تلاقى نفسك متاخدة فى قضية ظلم
التهم دلوقتى اى حد بيلبسها ممكن يجيبوا واحد من اشارع ويقولك دا ال قتل دا ال نصب دا ال سرق
- عمرك سألت نفسك هو انت ليه بتخاف من السياسة والكلام فى السياسة ؟ .
ايه لزمته الكلام دا بس
اصلا السياسة متخلفة مفهاش حاجة عدلة هتكلم فى ايه بس
- عمرك سألت نفسك ليه بتخاف تعمل مشروعك الصغير أو عملك الخاص ... وليه مافيش حاجة صغيرة بتكبر فى مصر ؟ .
عشان الحاجت الكبيرة بتاكل الحاجات الصغيرة
- عمرك سألت نفسك هو ليه عسكرى المرور فى مصر بيكتب مخالفات كثير على الناس الغلابة ، أما الناس اللى هما مش غلابة مابيعملوش مخالفات .
عشان هو جبان
لو عمل كده هيروح فى داهية دا فلان الفلانى قريب الوزير دا مش عارفة ايه
والغلابة دايما مظلومين
- عمرك سألت نفسك هو ليه فى ناس ولاد ناس ، وناس ولاد البطة السوداء .
فى نظر الناس عشان الفلوس والمناصب
- عمرك سألت نفسك هو ليه الناس اللى معاهم كارت توصية بيشتغلوا وانت لأ ، هما يعنى ولاد مين فى مصر .
عشان برضه الطبيعة فى مصر كده
اولاد الذوات فوق
والباقى تحت
- عمرك سألت نفسك هو ليه فى مصر نتسأل هو انت ابن مين فى مصر ؟ .
مش فهمه
- عمرك سألت نفسك ليه الوظيفة فى مصر بقت بالوراثة ؟ .
دا لو كمل اصلا هو بكبيره كده بعد شهرين يطرد من الشغل
- عمرك سألت نفسك لو حصلت مشكلة بينك وبين حد كبير ومهم "مخبر يعنى" تفتكر هتاخد حقك فى قسم الشرطة .
استحالة كهذا هى مصر
- عمرك سألت نفسك هو ليه كل حاجة لازمها واسطة حتى انك تجيب خمسة أرغفة عيش لازم تكون عارف البش مهندس الفران .
عشان كل حاجة للناس المهمة
والغلابة ناس مظلومين
- عمرك سألت نفسك هى الحكومة بتضرب المتظاهرين ومش عايزاهم يتكلموا ليه ؟! هى الحكومة خايفة من الكلام ليه ؟ .
عشان بتهددها بتكشف مصايبها قدام العالم كله
- عمرك سألت نفسك هو انت ليه مش بتقدر تجيب شقة تسكن فيها وتبدأ فيها حياتك ؟ .
عشان احنا اصلا مش لاقين مكان ننام فيه
يبقى نبدأ حياتنا ازاى
- عمرك سألت نفسك هى مصاريف التعليم زادت اوى كده ليه ؟ مادام التعليم مجانى !!!!! .
كان زمان ايام محمد على
احنا دلوقتى ايام حسنى مبارك
- عمرك سألت نفسك هى الشوارع بقت عشوائية كده ليه ؟ .
.................
- عمرك سألت نفسك هو احنا بقينا مخنوقين كده ليه ؟ .
عشان عايشة فى مصر
- عمرك سألت نفسك هو الفساد والاهمال انتشروا كده ليه ؟ .
عشان مفيش مكان للصلاح فى مصر
- عمرك سألت نفسك هو ليه الواحد بيدخل يشيل الزايدة فى مستشفى يطلع من غير الكلى وبدلها فوطة .
عشان هما يضبقوا ملايين قصاد حياة الناس الغلابة
- عمرك سألت نفسك هو انت واخد حقك فى البلد دى ولا ايه ؟ .
لسه مشوفتش
محدش ضامن عمره
- عمرك سألت نفسك هو احنا مش عايشين زى الناس ليه ؟ .
عشان همومنا وفقرنا والظلم ال بنتعرض ليه
- عمرك سألت نفسك هو انت ساكت على العيشة دى ليه ؟ .
عشان مش بايدنا نعمل حاجة
ـ وفى الأخر ممكن تسأل نفسك هو انا بحرضك ولا ايه ؟
ههههههههههههههههههههه
شكلك كده لازم ابلغ عنك
لالالالالالا خالص
الحياه حلوه والشعب زى الفل
وربنا يخلى لنا حكومتنا