[mr.osama]

المشاركة الأصلية كتبت بواسطة ashraf101eg

مش عارف هل موضوعى هذا ممكن يكون لايمس الموضوعات التى تخص رابطة معلمي مصر على العموم هأطرح موضوعى ومش هأزعل لو تم رفضه من إدارة المنتدى

أولاً: كيف تجعل الطالب ينتظر ميعاد حصتك؟
ثانيا: كيف تصل المعلومه له فى اقصر وقت؟

==============================================
بص يا أستاذى

مفيش النهارده مدرسة مفيهاش معمل كمبيوتر على الاقل
الطالب بيطلع من البيت ويسيب دروسه ويروح السيبر يقعد على الكمبيوتر
طيب احنا لو خلينا الطالب يستخدم الكمبيوتر فى الحصة هنكون كسبنا الطالب فى حبه للمادة وفى نفس الوقت وصلنا المعلومة له بالطريقة الحديثة

هتقولى الأجهزة الموجودة فى المدرسة كلها عطلانة .. مفيش جهاز بيعطل لوحده يبقى زى ما أحنا عطلناه نصلحة هو ده الموضوع
انا عندى مجموعة برامج هتنفعكم وتخص جميع انواع الاجهزة علشان تريحك فى شرح الدرس وسيبك بقى من الطباشيرة
والبرامج تنقسم الى قسمين
1- برامج تخص تحضير الدرس بطريقة ظريفة علشان تجذب الطالب
2- برامج تخص الاجهزة علشان تريحك فى عرض الدرس على الطالب
وعندى برامج لصيانة الاجهزة هاردوير وسوفت وير
واى استفسار انا تحت امركم ولو فيه حد عنده معلومة يقولهالى وميبخلش علشان يدخل الجنة
( من علمنى حرفا صرت له عبدا ) اشرف صلاح

شكراً للأخ العزيز/ أشرف على هذه المشاركة والواضح فيها أنه يريد أن يقدم ما يفيد العملية التعليمية من خلال استخدام التكنولوجيا الحديثة في تدريس الحصة لما فيها من مميزات عديدة منها:
- مسايرة للتطور العلمي الحديث.
- وكذلك كعملية جذب للطلبة والطالبات للاستفادة من ما يدرس لهم خلال الحصص الدراسية بصورة محببه لهم.
ولكن هذا الموضوع مكانه في قسم الوسائل التعليمية أو قسم مكتبة البرامج أو قسم شروحات الحاسب لك أن تختار القسم الذي تريد أن أنقل لك موضوعك فيه .. وسأترك هذا الموضوع هنا في قسم رابطة معلمي مصر لفترة ليطلع عليه السادة الأعضاء وبعدها سوف يتم النقل للمكان المناسب.