[B a S a N t]

[quote=hazem_ayman;937584]


اهلا اهلا


منورين والله زى كدا ما على طول انا عارف منورين المطبخ فى البيت


ونبى ما بيدخل اصلا




اعرفكوا على الفكره بقى


كل عضو هيدخل وهنستضيفه شويه بس عشان انا عارف المطبخ


تقيل على قلب كل الموجودين



عباره عن اسئله خفيفه وبسيطه هنسألها للعضو



ونشوف بقى بيفهم فى المطبخ ولا ملوش فيه




وبعد ما يجاوب العضو على الاسئله المطروحه



هنديله اكله وهو ماشى

ونختار عضوه



وهكذا



بالنسبه للاسئله بقى هيا تقريبا موحده بس مفيش مشكله



لو زودت واحد كدا مثلا من عندى

بس عشان نتفق من البدايه انا هدوق الاكل عشان اقيم






عرفنا بنفسك ؟
بسنت محمد
تانيه اعدادي

بتحب/ى الطبخ ولا؟
طبعا انا باموت فيه


بتعرف/ى تطبخ ولا ؟
الحمد لله
تقريبا كل حاجه
اكتر اكله بتحبها واكتر اكله بتكرها ؟
اكتر اكله بحبها الكشري و الكبسه السعودي
اكتر اكله بكرها حلويات الخروف
اكتر طبق بتحب وبتعرف تعمله وقولنا الوصفه اهو نتعلم؟
اكتر حاجه بعملها حلو البسيسه
و ادي الطريقه
المقادير
3 بيضات
1,5كبايه سكر
1 كبايه زيت
نص كبايه ميه او لبن
كيس فانيليا
كيس بيكنج بودر
2 كوب دقيق ذره
كبايه دقيق عادي
ذره ملح
الطريقه
نضرب البيض مع السكر بمضرب البيض لحد مايبقوا عاملين زي القشده
بعد كده نحط الزيت و نسبهم يضربوا شويه
بعد كده نحط الميه او اللبن و نسبهم يضربوا شويه كمان
و هما بيضربوا ننخل دقيق الدره مع الدقيق العادي و البكينج بودر و الملح
بعد كده نحط الفانيليا على المكونات السائله (اهم حاجه تحطوها قبل ما نحط الدقيق بشويه صغيرين علشان لو حطناها بدري نكهتها بتروح )
و بعدين نحط المكونات الجافه مع المكونات السائله
و بيضربوا كويس
ولو حسيتم انها خفيفه زودوا شويه دقيق
و بعد كده تدهنوا صينيه بالزيت و تحطوا عليها دقيق علشان البسيسه متلزقش في الصينيه
و نكون مسخنين الفرن على 200 و نفتحه من تحت بس لمده45 دقيقه و بعد كده نفتحه من فوق و تحت لمده 5 دقايق
و علشان تتاكدوا هي استوت ولا لا اغرزوا سكينه في النص لو طلعت فيها عجينه يبقي لسه شويه
و لو طلعت نضيفه يبقى كفايه كده عليه
و اهم حاجه متفتحوش الفرن و هي بتستوي علشان مطهبتش
و بالهنا والشفا
جربوها و قولوا اه رايكم




اول مره دخلت فيها مطبخ كانت امتا؟
اول مره تانيه او تالته ابتدائي


وكانت اول طبخه عملتها من اول ما دخلت المطبخ ايه ؟
مش فاكره اوي بس متهئ لي مكرونه و نستها على النار و طلعت كتله واحده و معجنه و اترمت و عملنا غيرها



لو فى مره طبخت طبخه وفشلت ( كالعاده يعنى ) ايه بيكون شعورك؟
هو يعني الاكل التقليدي مش بيبفشل مني
لكن انا بحب اخترع اكل جديد و معظم الوقت بييقى وحش فبحاول اكل على قد ما اقدر والباقي بيترمي
و بخبي الاثار علشان محدش يعرف اني عملت حاجه و اترمت
احكلنا عن موقف حلو حصل معاك فى المطبخ ؟
على طول ماما بتقفشني بالليل و انا باطبخ
و على طول بتهزأ
و بتخليني اغسل الاطباق و دي اكتر حاجه باكرها في المطبخ
باكرها كره العمى
و اكتر كمان


بتسمع حاجه وانت بتشتغل فى المطبخ ؟ ( دا اذا كنت بتدخله اصلا )


غالبا مبسمعش حاجه
ايه اكتر حاجه فى المطبخ لا يمكن تقربلها يعنى زى مثلا

( البصل – السكينه- النار – او اكله معينه- غسل الاطباق ) ...الخ؟
غسل الاطباق بكرهه اكتر من العمى لكن على طول بتدبس فيه
بتحب/ى حد يساعك فى المطبخ ولا؟
لا انا بحب اخد راحتي



اخيرا بقى يعتمد عليك فى المطبخ ولا؟
اه طبعا بس من غير غسل الاطباق




انتظــــرونــــا
.
.
.
.
.

عقـــبال ما نقــــفش حـــد داخـــل المطـــبخ