[أمل لاشين]

انا استنيت لما عيد الحب خلص علشان محدش يتهمني اني بشجع البدع .........لا سمح الله

لكن بعد ما انتهت هذه البدعه..........

في حد سال نفسه ياتري هو فعلا بيقول كلمه بحبك او لا

ياتري بيقولها لما بيشوف والديه بيقولهم وبيعبرلهم عن حبه ليهم.....ولا يستني لما يجي وقت يقول
يارتني قلتلهم اللي في قلبي...........
وبيقولها لاخواته

لاصدقائه.......

للحبيب او الحبيبه .........

للزوج او الزوجه.............

بتعلم اولادك اهميه مشاعرهم والقدره علي التعبير عنها .....

واحترام مشاعر الاخرين وعدم الاستخفاف او الاستهانه بمشاعرهم....

ليه دايما في كل بيت او اغلب البيوت مسموح بالزعيق امام الاولاد والخناق والمناقشه الحاده...

لكن مش مسموح بالتعبير عن المشاعربالكلام الجميل والهادي ويعرفوا قد ايه احنا بنحبهم

وبنحترم افكارهم وارائهم...............

وانا مش بقول كده من فراغ في دراسات اثبتت ان عدم التعبير عن المشاعر يؤدي الي الفتور في

العلاقه الاسريه ......والانفصال
ودايما نسمع ان مش ده اللي انا ارتبطت بيه او بيها.......اتغيروا
وفي الاخر....... انفصال او البحث عن الحب ..... في طريق تاني

الحب مش اختراع .......ولكن الحب حاجه من حاجات الانسان الفطريه

زى الجوع وزى العطش .........

وموجود من ايام هابيل وقابيل........

وموجود في عهد الرسول صلي الله عليه وسلم......

وفي النهايه....... مش عيب او حرام ان احنا نعبر عن مشاعرنا...في حدود دينا واخلاقنا وتقاليدنا

ان كان الغرب اخترعوا يوم للحب في السنه...وعندهم عيد

احنامش محتاجين عيد احنا لازم نخلي كل ايام السنه حب وومن غير حواجز

وتكون دعوة للحب .......مش عيد للحب