[الأستاذ علاء الطيب]

رأى يتلخص فى ثلاث نقاط

أولا : كل الكلام الذى قرأتة عبارة عن قوانين وتصريحات من الحكومة تقريبا ( الحكومة هم مسئولى الموقع ومشرفيها ) وكلها شبة بعض ودى قوانين المنتدى والكلام الى هيمشى بس متقال بطريقة شيك وبها ديمقراطية شبة مسرحية محمد صبحى ( تكلم يابن الشعب )
ثانيا : أجد سلبية من الشعب فحتى الان ودى عادة بلدنا محدش تكلم شكلهم عارفين أن مفيش فايدة ولم اجد وجة نظر مخالفة من الشعب ( الشعب هم الطلبة والمدرسين غير المشرفين )
ثالثا: وحيث أنى من أفراد الشعب وبصراحة أنا معنديش مشكلة مع الادارة ولا المشرفين لانى أحسبهم على خير ومع ذلك سأقول وجة نظرى بصراحة ورزقى على الله وشكلى هطرد من البلد دى بس المشكلة لو تم طردى معنديش بلد تانى الا لو عايزينى اعيش لاجىء
وجة نظرى من خلال متابعتى لبلدى ( الموقع )
( تظهر دائما مشاكل طارئة بين الادارة أو المشرفين واحد الاعضاء فيصدر القرار فى لحظة قوانيننا حكمت عليك بكذا وممكن أن العضو يكون على حق لان المشرف بشر ومكن يغلط وغير كدة ممكن أنا كعضو يكون لى وجة نظر عظيمة وكل العقول تقول عليها تمام ويأتى المسئول نتيجة الاحتكاك يدمر الدنيا والموضوع يطور وتحدث مشكلة
الخلاصة دائما فى حاجة جديدة بتطرأ ومواقف جديدة محتاجة مرونة ولكن قوانين الحكومة تمنعها ودليل على ذلك فى عدد قليل من الشهور الماضية حصلت مجموعة من المواقف الواضحة الصعبة وقلبها لم يتداوى ولكن الزمن عالجها بالنسيان

ودليل أخر كتابة هذا الموضوع ومواضيع مشابهه خلال ايام ( مش عيب نكون صرحاء مع بعض )
العلاج اية المرونة وسعة الصدر وحلول اخرى لازمحد يقترحها من عامة الشعب وليس من الحكومة
( أنا عارف أنى معرفتش أعبر كويس بس أجتهدت وشكرا )