السلام عليكم ورحمة الله وبركاته استاذ ايهاب او مستر ايهاب احسن
ااقول لحضرتك على شئ ؟؟؟؟؟؟
انا عندى اخويا الصغير والى باعتبره ابنى فى سنة ستة ابتدائى وكنت بابحث له على مذكرة انجليزى كويسة لانى انا الى بأذاكر له ..على فكرة انا لسه بادرس فى كلية تربية قسم انجليزى
بصراحة اسم موضوع حضرتك شدنى جدا رغم انى لقيت مواضيع تانية على نفس الصفحة فيها برده مذكرات وكده
بس برده اسم موضوع حضرتك اثار فضولى جدا
وبالفعل دخلت واستغربت جدا من الردود
وقلت فى بالى يعنى ايه المذكرة فيها ايه يعنى .....اكيد مذكرة زى بقيت المذكرات...فيها عفريت مثلا ههههههههه
ومريت على كل الصفح على الموضوع بتاع حضرتك ابحث عن اللينكات فقط واشاهد بعض الردود
وكل لما اقرا الردود يزداد فضولى انى افتح واشوف المذكرة لكن قلت فى نفسى احملهم كلهم الاول وبعدين اشوفهم براحتى
وبصراحة فتحت الوحدة 11 الاول
لقيت ان الى بيفرق مذكرة حضرتك عن اى مذكرة انجليزى تانية هو ان حضرتك غرضك فى هذه المذكرة ان التلميذ يفهم انجليزى ويفهم ازاى يستخدمه صح وبخاصة القواعد
بقيت المذكرات الى شوفتها قبل كده كان هدفها ان الطالب يحفظ الكلمات ويدبس القواعد فى دماغه علشان الامتحان وبس
لكن مذكرة حضرتك غير تماما
وااقول لحضرتك كمان لما فتحت الوحدة 11 قريت شئ شكيت فى صحته رحت فتحت القاموس جرى علشان اتاكد بس لقيت المعلومة صح ...لان المعلومة كانت خاصة بال phonatic وانا فى الفونتيك بالذات بأشك فى صوابع ايدى هههههههههه
بصراحة ممتاز جدا
وانا لم اكمل قراءة المذكرة كلها طبعا ...بس ان شاء الله لو لقيت اى ملحوظة اكيد حقول لحضرتك
ولو انى متأكد انها مش محتاجة اى ملحوظة
على فكرة عاجبنى اوى cv بتاع حضرتك
ربنا يزيدك من علمه
وانتظر باقى الوحدات ان شاء الله
جزاك الله كل خير .....وخيركم من تعلم العلم وعلمه
وبصراحة عاوز ااقول لحضرتك انى سعيد جدا بالمذكرة ديه وسعيد اكتر ان فى عقول زى حضرتك وسعيد اكتر واكتر لانى انا حاسس وانا اقرأها انى بأتعلم انجليزى من اول وجديد
شكراااااااااااااااا جداااااااااااااااا لحضرتك مستر ايهاب وشكرا اكتر ان حضرتك نشرت المذكرة ديه
اسف على الاطالة
|