[vampire1188]

يا جماعة .. أسامة منير نفسه طلع في برنامج بني آدم شو اللي بييجي على قناة الحياة

وقالها علانية كدا ..

انا مش محلل نفسي او اخصائي .. انا مجرد واحد بيسمع وبيجاوب من خبرات سابقة .. الناس كلها فاكرة ان انا يوم مابقدم البرنامج بيبقي في ايدي كمانجة وقدامي واحده بترقص سلو .. لكن دا العكس اللي هوا اللي بيحصل .. بيبقي قدامي مخرج مكشر واكواليزر يعمي وبلاوي منيلة !!

وزي ما funny baby قالت كدا .. البرنامج بقيله 6 سنين شغال ..

انا واحد من الناس كنت بسمعله .. بس جيه عليا وقت وخلاص مليت منه ..

وبعدين الناس اللي بيبقي عندها هموم بتبقي عايزة اي احد تحكيله عشان يواسيه او يقوله اي حاجة

وسر ان البنات هيا اللي بتتصل .. إن البنات معروفين انهم مقضينها حكاوي ..

لكن الولاد بيكتفوا بالسماع فقط ..

فيه سبب تاني برده وهوا ان الولد ممكن يتحرج من انه يحكي .. لكن البنت بتحكي بجرأة شوية

سر ان البرنامج فيه اقبال عليه .. ان كل واحد عارف ان فيه ملايين بتسمعه ..

بس الملايين مايعرفوش هوا مين .. وبالتالي انتا فيه علامة استفهام عليك وماحدش هايعرفك ..

فالأمر ايزي وعادي جدا

لكن لو انتا هاتتكلم على الهيافة والتفاهة وقلة الادب .. شوفها على قنوات زي مزيكا وميلودي تريكس

انا والله العظيم كنت قاعد النهارده هاتعلللل من اللي بسمعه وبشوفه دا ..

بنات في منتهي المياعة .. وولاد في منتهي الهطل والهبل ..

وحاجة فعلا تخلي الواحد يقرف من اشكالهم ويقفل التليفزيون !!