19-02-2009, 03:42 PM
|
 |
عضو متألق
|
|
تاريخ التسجيل: Nov 2006
العمر: 37
المشاركات: 2,278
معدل تقييم المستوى: 0
|
|
اقتباس:
المشاركة الأصلية كتبت بواسطة محمد على2007
مابحبكيش
مابحبكيش
باقولها بأعلى صوت ومايهمنيش
مابحبكيش
إن كنتى فاكرة إنى بحبك
أو جبت سيرتك مره
(( ممكن انا حاسسها قصيرة فعملت خلل فى الانسيابية للكلام ))
أو شوفتى قصايدى مليانه باسمك
ماتصدقيش
مابحبكيش
إن كنتى مره لمحتى دمعى م الفراق
أوشوفتى نظره حايره طايره فى اشتياق
(( الله عليك يا استاذ محمد روعة ))
إوعى تقولى إنى هويت
والا اشتكيت
والا انا طِرت فى الهوا
والا انا ريش
مابحبكيش
مابحبكيش
محتاج أقولها كل يوم
مرتين والاَّ تلاته
وباستماته
علشان ماتوصل من وراكى ومن أمامك
تقفلى الشباك تنامى هاتلاقيها فى منامك تخرجى البحر الكبير
هاتلاقى موجُه بيرميها لك
وبدون شماته
(( الله عليك ))
رساله جايه م الغريق ليكى
ياللى فى وسط بحر الموج
نجيتى وماغرقتيش
(( ممكن " ياللى نجيتى و ما غرقتيش " )) عشان برده الانسايبة و الموسيقى
مابحبكيش
إن كنتى فاكره انى باريدك
أو رهن إيدك وبالِف ف بلاد الغرابه
شايل ربابه
علشان ألاقى نور عنيكى والتقيكى أو مالتقيش
ماتفكريش
مابحبكيش
لَفى عليكى .........
على قلب بيموت بين إيديكى
على كلمه تاهت من زمان
وسط قواميس الزحام
تنده عليكى
وماترديش
علشان أقولك بأعلى صوتى
ومايهمنيش
مابحبكيش
(( " مايهمنيش و ما بحبكيش" بيتهيألى أحسن ؟ ))
محمد على
|
القصيدة زى ما توقعت و زى ما الاستاذ محمد على عودنا
لؤلؤة فريدة فى عقد إبداعات القسم
عصفور يغرد فى سماء القصائد فى هذا الركن
دام الله موهبتك و إبداعك و تستحق أكثر من كلمة شاعر
|