السلام عليكم ازيكوا ياجماعة
وعليكم السلام ورحمة الله وبركاته
من ناجية ازينا فانا مش كويسة خالص عشان الدراسة بدات
يارب الكل تمام ان شاء الله
اكيد يعنى دة موضوع زى ما انتوا شيفين
وانا كالعادة مش عارفة ابدأ منين
المهم يعنى كلامى النهاردة عن الضريبة الى البنات ((احنا يعنى))
احنا ماشى احنا احنا 
بيدفعوها لما بيخرجوا من باب بيتهم لحد ما يرجعوا
بس الضريبة دية غالية اوى يامصر
صعب اوى ان كل بنت تدفعها
تلاقى البنت عشان تخرج عشان تروح مدرستهاولا كليتها ولا شغلها
انا مدرستها لسة مش كليتها
بتدفع كتير اوى من اول ما تخرج من البيت لحد ما تفتح باب الشقة
_او حد يفتحلها مش هتفرق يعنى_
نفسى يبقى معايا مفتاح افتح انا بس للافس مس معايا 
حد بيفتحلى يعنى
طب الضريبة دية عبارة عن اية اكيد انتوا لسة مش فهمتونى
اكيييد
بس انا هقولكوا الضريبة دية اية وانتوا تحكموا بالحق
ان كانت الضريبة دية كتير فعلا علينا ولا اية نظامها
!!ضريبة خروجة المرأة من بيتها!!
اول حاجة دة يبصلها ودية يتلزق فيها ودة يعكسها ودة يكلمها غصب
ديه حاجة تقرف والله بصى والله انا عايزة اقول ان المحترمة مش حد يقدر يبصلها نهاااااائى
يعنى البنت اللى بتبقى لابسة محزق وملزق ديه عارفة ان هى هيحصل معاها كده يبقى هى تستحمل
وغيره من الى بيحصل والى بنشوفه
دة غير بى لما تركب مواصلة ويبقوا الشباب قعدين والبنات واقفة
ونعم الرجولة بصراحة
اه والله ديه حاجة بتضايق انا بريح نفسى ومش اركب مشروع مليان
وكذلك برضه فالمحاضرات او... او.... او....
والجديد بقى الى طالع ان بقى في رجالة مضيها وقتها كله فالمترو لمجرد الفرجة
فقط لا غير
الى رايححة كدة يتفرج والى جاية كدة يتفرج
برضه ونعم الرجولة
انتى عارفة والله انا كنت مرة نازلة مع جارتى اصلح موبايلى علشان كان خربان اوك فبعدين واحنا مروحين ركبنا الترام كنا واقفين جنب الشباك وكان فيه واحد واقف ادامنا شاب يعنى كان بيبص لجارتى بطريقة فظيييييعة جدا جدا جدا اوك هى لبسها عادى يعنى مش ضيق ولا واسع بنطالونات وكده يعنى ماشى فبعدين نزلنا من الترام ورحت انا وهى اكلم ماما اقول لها ان انا جاية مش تقلق يعنى فكلمت ماما وبعدين لقيت جارتى بتقول لى فى واحد اللى كان واقف فى الترام واقف برا قداما السنترال انا اترعبت جداااا فقالت لى مش تخافى بعدين رحنا نركب مشروع تانى فهو استنى لغايط لما العربية كلها اتملت وبعدين هو ركب كان ع الحظ فاضل كرسى واحد وقعد جبن جارتىبجد انا كان هيحصل لى حاجة ساعتها فنزلنا من المشروع وبعدين مشينا شوية وده ماشى ورانا تخيلى بجد بعدين لما حس ان حننا بنقرب قام مشى بس كان موقف لا احسد عليه 
طب دة انا مرة كنت راكبة اتوبيس وانا كنت قاعدة وطلع راجل يجى عنده
58 سنة مثلا والله احرجت من نفسى انى قاعدة وهو كبير كدة وواقف
قومت وقولتله يقعد والله ساعتها منقصتش كتف ولا رجل ولا جرالى حاجة
عادى يعنى زى ما انا دة حتى مكملتش عشر دقايق واقفة والحمد لله
ربنا بعتلى ولد جنتل قام وقعدنى وحلف لاقعد
باجى ببص على نفسى كدة وانا بنت ومش بيهون عليا اكون قاعدة
وحد اكبر منى واقف يعنى انا لسة صغيرة هتحمل
طبعا فى غيرى كتير من نفس النوعية
بس الاغلبية من النوع المطنش اللامبالاه
بصى انا مش بعمل كده الا احراجا انا بتكسف جداااا فمش بحب ابقى كله شايفنى كده بتبقى حاجة وحشة انتى عارفة النهاردة وانا راجعة من الدرس الصبح قعدت جبنى شاب فى المشروع المينى باص اوك فكان فيه ست يعنى حاجة واربعين كده طلعه فكان معاها كياس رز وازايز زيت فبتقول له لو سمحت خد منى قام سابها ورجع قعد ورا قمت انا اخدت منها لكيس وقامت طالعة وقعدت جبنى انا اتضايقت اوى
بقيت بحس ان فعلا الرجولة بتنقرض
اه عندك حق بس والله فيه وفيه
بقى كل واحد بيبح لنفسه انه يعمل كل حاجة
مع انه لو شاف اخته حد بس بيبصلها ممكن يكله
ديه الحاجة اللى تشل
عجيبة يااخى يعنى انت تعمل فى بنات الناس الى انت عايزة
لكن بناتك متحبش حد يقربلهم دة من اية يعنى
بقيت بحس انى مش طايقة اخرج مالبيت
عشان مدفعش الضريبة دية لانها صعبة عليا اوى
وحقيقى مبقاش حد بيرحم ومبقاش حد بيحترم نفسه
بقت هى دية جزات الى تخرج تتعلم او تشتغل
هو دة عقابها انها طلعت من باب بيتها عشان تفيد نفسها واهلها وبلدها
طب هنفضل ندفع الضريبة دية لحد امتى؟؟!!
مع العلم انها عمالة تغلى والله اعلم هتوصل لفين ؟؟!!
طب مفيش امل انها ترخص ؟؟!!
؟؟!!؟؟!!!؟؟؟!!!