يا جماعة .. أسامة منير نفسه طلع في برنامج بني آدم شو اللي بييجي على قناة الحياة
وقالها علانية كدا ..
اقتباس:
|
انا مش محلل نفسي او اخصائي .. انا مجرد واحد بيسمع وبيجاوب من خبرات سابقة .. الناس كلها فاكرة ان انا يوم مابقدم البرنامج بيبقي في ايدي كمانجة وقدامي واحده بترقص سلو .. لكن دا العكس اللي هوا اللي بيحصل .. بيبقي قدامي مخرج مكشر واكواليزر يعمي وبلاوي منيلة !!
|
طب ومنين الخبرة ياريت حد يقوللى يا جماعة انا معاكو انه بيقول حاجات كويسة بس مش لدرجة انه بزيع برنامج المفروض يبقا معاه على الاقل طبيب نفسى او شىء من هذا القبيل
وزي ما funny baby قالت كدا .. البرنامج بقيله 6 سنين شغال ..
انا واحد من الناس كنت بسمعله .. بس جيه عليا وقت وخلاص مليت منه ..
اديك قلت برنامج يمل ويجيب الملل والشلل الواحد بيسمع تفاهات وربنا
ال ايه عايزاك تقول عباس ميزعلش منى دنا بحبه موت موت موت بلا نيلة
وبعدين الناس اللي بيبقي عندها هموم بتبقي عايزة اي احد تحكيله عشان يواسيه او يقوله اي حاجة
طب الناس دى متعرفش حد ليها فى الدنيا يعنى ملهاش حد قريب منها تحكيله ويحكيلها واللا هما مقطوعين من شجرة والله الناس كتير هيا تفاهات وخلاص
وسر ان البنات هيا اللي بتتصل .. إن البنات معروفين انهم مقضينها حكاوي ..
ههههههههه حلوة مقضينها حكاوى دى
دول نازلين رغى رغى مبنطلعش منهم بجملة مفيدة ال ايه انا بحب واحد وهو بيحب واحدة تانية والواحدة التانية بتحب واحد تانى
هيا فزورة واللا ايه ( عقول اخر زمن )
لكن الولاد بيكتفوا بالسماع فقط ..
يمكن بردو
فيه سبب تاني برده وهوا ان الولد ممكن يتحرج من انه يحكي .. لكن البنت بتحكي بجرأة شوية
يا سلام مع انه بيكلم راجل زيه مش واحدة ولا حاجة المفروض يبقا العكس
دى مش جرأة دى تفاهة والله
سر ان البرنامج فيه اقبال عليه .. ان كل واحد عارف ان فيه ملايين بتسمعه ..
اشجينى 
بس الملايين مايعرفوش هوا مين .. وبالتالي انتا فيه علامة استفهام عليك وماحدش هايعرفك ..
فالأمر ايزي وعادي جدا
مش عارف حضرتك فكرت فى دا ازاى
لكن لو انتا هاتتكلم على الهيافة والتفاهة وقلة الادب .. شوفها على قنوات زي مزيكا وميلودي تريكس
الدنيا مليانة تفاهات مش دول بس فى حاجات انيل من كدا بكتير
انا والله العظيم كنت قاعد النهارده هاتعلللل من اللي بسمعه وبشوفه دا ..
بنات في منتهي المياعة .. وولاد في منتهي الهطل والهبل ..
هما دول شباب الجيل التالت نوكيا اف ام
وحاجة فعلا تخلي الواحد يقرف من اشكالهم ويقفل التليفزيون !!