معلش مش قصدي ,بس بقى م اللي بشوفه ..بجد بجد مستحيل الكدب ده كله
أول حاجة اتنين ما بيطيقوش بعض أبدا أبدا مقابلين بعض ف الشارع ف يوم زي النهارده كده ها
وهاتك يا أحضان بقى وسلامات وإيه
فينك ياباشا ياكبير يا كينج
بموت فيك ووحشتني وحجات كده
قال يعني لو معملوش على بعض الشويتين دول هايبقى فيها زعلة!!
ماتسلم عليه وخلاص ياعم عادي لو وحشك قول.. مش واحشك خلي لسانك ف بقك وماتتعبوش وماتلمش سيئات ع الفاضي والمليان
المهم ييجوا بقى يمشوا تلاقي: ابقى خلينا نشوفك وهاستناك بآي بآي ياروحي
المهم انك تلاقي ال2 فاهمين إنهم بينتشوا على بعض بدليل إن كل واحد يقول للحد الي كان ماشي معاه لا بيطيقني ولا بطيقه مش فاهم بيزودها معايا كده ليه
عامل نفسه صاحبي ده كلمنجي ..مصلحجي ..........
حاجة تانية بقى دي اللي كارثة
واد وبت بيرغوا ف التليفون ها
ويقولوك إحنا كلامنا مش حرام رغم انو ف نص الليل وأهالينا ما يعرفوش ولما حد بيفتح الاوضة على غفلة بيتحولوا بقدره قادر
بس احنا علاقتنا شريفة (تقريبا أخت رأفت)
غير أي علاقة من بتوع اليومين دول
وما شاء الله المكالمة تبقى إيه !!!مااقولكوش
كلها يعني...............احم احم!!!!
وتلاقي الجملة بتبدأ وتنتهي بكلمات عجيبة جدااااااا
وأحسن حاجة بقى إن الولد تكون اكتر حاجة عجباه ف البنت دي احترامها والتزامها وإنها ما بتدردش مع شباب غيره
وبعد مكالمة لاتقل مدتها عن ساعتين ماشاء الله
يبدأ بقى ماتش الساعة 4 الفجر عارفينو طبعا
بتاع اقفل لا اقفلي انتي ونتنيل على عيننا ونقفل مع بعض
والجميل انك تلاقي ختامه مسك
شوية جمل دخيلة على لغتنا الموقرة
تيب يللا بقى هابي دريمز يا روحي
قال تيك كير قال ..الله يرحم .................................................. ..ولا بلاش
والبنوته بقى تقولوا بنبره تقطع القلب
ويرد عليها وهو هايعيط يعيني
صلى الله على محمد صلى الله عليه وسلم
مش داخلة اقولكو الحب والمشاعر الأكثر من رائعة دي حرام وأنا مش مفتية عشان احلل واحرم ..حاجة ما تخصنيش خالص يعني
لكن يا إخواننا لكل حاجة ضوابط و مقاييس معروفه ليه بنطبق المقاييس دي على أي حد وأي حاجة ونيجي لحد عندنا ونقول لا اصل احنا وضع تاني
وشوية شوية نبدأ نقع ف الغلط ونرتكب محرمات وبرده مقتنعين إن عندنا مبادئ ما بنتنازلناش ولا هانتنازل عنها أبدا
ما بنكدبش بس أيه؟ الظروف هيا اللي بتحطنا وبتخلينا نفشر
لازم نفهم اننا مش المفروض نعمل حاجة لمجرد إنها قابلة للتنفيذ
هو السبب ضعف ف الإيمان ولا نقص ف الشخصية ولا حرمان من حنان مثلا ولا إيه بالظبط ؟؟؟؟والحل فين ؟؟؟