[..Just Stop]

المشاركة الأصلية كتبت بواسطة eyes_smile

شكرا جدا ليك يامحمود
الشكر لله

بجد لفت نظر ناس كتير ممكن يكونوا مقتنعين ياللى اسمه اسامه ده
طب تمام يارب يطلع بفايدة

ومكدبش عليك انا فعلا كنت بسمعه كتير
احم

بس جاتلى فترة كده لقيت نفسى خلاص بدات امل منه
طب تمام والله انا اخويا سمعه مرة واحدة بس مكررهاش تانى وقالى بلد بتاعت تفاهات صحيح

وبدأت المرات تقل حلقه ورا التانيه كنت بسمعه برده
بس مش زى الاول مش كنت بفوت حلقه
ظروف بقا

مرة فى مرة استغنيت عنه خالص ومش بقيت اسمعه
والله احلى حاجة عملتيها
والكلام ده قريب علشان كده بقول يارب تكون اخر مرة
يارب تكون اخر مرة فعلا بجد دابرنامج ممل

والعجيب اوى ان معظم اللى بيتصلوا بيه بنات على ايه مش عارفه
ومعجبين بصوته اوى ..هههههههههه
هههههههه هو دا اللى ضايقنى
كان نفسى اسمع صوت ولد فى البرنامج دا فى خمس حلقات ولد بس اللى اتصل انا قولت الرجالة راحو فى تلاتة وسبعين فعلا

حلال المشاكل حضرته
ده يخرب بلد بحالها
لالالا كدا غلط
بلدين وقرية صغيرة جمبها كدا

فى ناس كانت بتتصل يقولهم اقطع عرق وسيح دمه
هههه الاخ تقريبا جزار
هههههههه(الجمله دى تقريبا مش بتفارق لسانه)
لا وكمان اى حد يقوله عامل ايه يقوله بومب ( الاخ جاى من ايران باين )
كأنه بيكلم انسان عديم الاحساس اول ما يضغط على الزرار هينفذ كلامه
دا بيرجع للشخص صاحب المشكلة بجد ناس مستفذة فعلا كلامهم يجيب الضغط
وتلاقى تلات ارباع اللى بيتصلوا بتبقى ودن من طين وودن من عجين زى مابيقولوا
او الاتنين من طين او ملهمش ودان كلامه داخل من النحيادى طالع اوم من الناحية التانية ( مش فاكر مين اللى بيغنيها )
خصوصا اللى سنهم صغير من 15_22 كده
والله عبط دول لسة عيال وبيتهايفو

هو فيه كلام بيقوله بيبقى صح ايوه لكن معظم كلامه عبيط
محدش قال حاجة بس العبيط اكتر

وكله كوم والاغانى بعد كل اتصال كوم تانى
صعبان عليا يا غالى
تخلى اللى اتصل عايز يولع فى نفسه
بيجيب احباط طب ما يجيبله حاجة تحمسه حاجة تشجعه على تخطى الازمة انما بالاغنيةبيقولله اقف محلك سر



بجد ياجماعه احنا مش ناقصين خراب
كفايه اللى بيحصل فينا
الشباب اتدمر
من بدرى الكلام دا والبقية تأتى
واصلا مبقاش فيه شباب
لازم نلحق نفسنا قبل مايقضوا علينا
والله كل واحد عارف نفسه بس التفكير اعمى محدش بيميز بين الكويس ونقيضه كله عايش وخلاص بدون ادنى تفكير

ربنا يهدينا كلنا يارب
اللهم امين اجمل ما فى الموضوع الدعاء ده


شكرا ليك مرة تانيه يامحمود
العفو الشكر لله
الموضوع جميل فعلا

الاجمل مرور حضرتك طبعا
منورة الموضوع بجد ربنا يكرمك
دمتى فى رعاية الله