السلام عليكم
جميل أوي الكلام وعندك حق فعلا
البوابة تفوت جمل
بس الكلام ده اللي تقوله الإدارة اللي بتعين وبتشيل
لما واحد بيقول " انا عايز اجازة اسبوع ومحدش يسألني عن أقسامي "
يبقي ده عشان الواحد ده " إنسان "
يعني من حقه يتعب
ومن حقه يستريح
ومن حقه ان الإدارة هيا اللي ترد عليه
مش انا ولا هو ولا حضرتك
تاني حاجة الناس اللي بتقول اجازة دي مش شغالة عن حضرتك بالسخرة لاء دي ناس متطوعة مشكورة بإنها تقدم خدمات للناس في المنتدي هنا وليها ظروفها يعني حضرتك متعرفش إذا كان والدها عيان ولا لاء .. ومتعرفش إذا كان عندها كلية ومذاكرة ولا لاء ومتعرفش انها ممكن يكون عندها مشاكل دول ناس مش عضويات مصمته
تالت حاجة حضرتك زعلان ليه ؟انا مش عارفة بصراحة
براحة شوية يااستاذ شريف الحياة ابسط من كدا واحدة واحدة كل حاجة هتتحل
الحياة حلوة يعني الموضوع مش عاجب حضرتك متدخلش ولا تحرق دمك
صحتك بالدنيا ده تذكير مني انا زي اخت حضرتك الصغيرة