[Xx.Youri.xX]

شكرا يا تيتو على الصور دى كلها .

رغم ان الصوره الاكثر شهره ليه انت مش منزلها . .

الصوره اللى اتصورها بنظام ال silkscreen . وهوه واقف بجوار كاسترو وهوه بيخطب .

الصوره دى كانت ال avatar بتاعى قبل ما اغيره واعمل ال avatar الجديد ده .

اهلا بسمله .

الاسم الحقيقى بتاعه هوه جيفارا . مش متذكر الاسم الكامل .

اما كلمه تشى اللى فى اول الاسم دى رمز لاى مواطن ارجنتينى زى سيد او استاذ او اى لقب عندنا كده ..

تشى زى ما هوه واضح الاصل ارجنتينى كان مضاد للاحتلال وخصوصا الامريكى لامريكا الجانوبيه ..

فى اول حياته سافر المكسيك للتدريب على الفنون القتاليه . وقابل هناك كاستروا طبعا كاستروا معروف .

اصبح هوه وكاستروا اصدقاء وبعد ما انتهوا من التدريبات مع طاقم كاستروا وبعد ما عرف ان كاستروا بيخطط لانقلاب على حاكم كوبا المتعاون مع امريكا تشى اتفق انه هيسافر معاه ويشاركه فى الانقلاب فى كوبا .

وبعد انتهاء الانقلاب وتحقيق لكاستروا وتشى لنصر واضح وسيطرتهم على الحكم كرم كاستروا تشى بالجنسيه الكوبيه ومنحه وزاره فى كوبا اعتقد انها وزاره الدفاع . مش فاكر بالظبط .

بعد فتره تشى جيفاره مقدرش يقعد كده من غير حرب . راجل غاوى مشاكل بقى نقول ايه .

تنحى عن الوزاره فى كوبا وتنحى عن الجنسيه الكوبيه خوفا من المشاكل اللتى قد تتورط فيها كوبا مع الغرب وخصوصا مع امريكا بسبب محاربته للاحتلال ضدهم .. يعنى من الاخر ساب الجنسيه عشانهم هما ميدخلوش فى مشاكل يقوللهم مش تشى ده جنسيه كوبيه يبقى لازم نحارب كوبا يالا بينا ..

سافر دول فى افريقا وحاول معاهم لكن لم ينجح كما نجح فى امريكا الجنوبيه ..

مات فى بولفيا على ما اعتقد على يد القوات الامريكيه بعد محاصرتهم له . حتى مفكروش يأسوره قتلوه على طول . وبعدها قالوا انه مات بسبب المرض او بسبب اى حاجه تانيه غير الرصاص !!

تشى كان مدمن للسيجار ( عشان كده كان بيحارب فى كوبا بلد السيجار شوف بقى كانت نيته رايحه على ايه . )

تشى حصل على القاب عديده وعمل ارقام قياسيه كتير . بس انا بحب قوى حاجتين عملهم .

الاولى . لما كان بيخطب فى الكونجرس الامريكى وطلع سكين من جيبه وبعدها اخرج السيجار وقسمه نصفين وادخل السجين مع النصف الاول من السيجار فى جيبه ودخن الجزء الاخر ( كان نفسى اشوف شكل الامريكان كان عامل ازاى وهوه فى نصف كلامه بيدخن لهم سيجار !! )

والتانيه . انه هوه الاشهر على الاطلاق من بين كل المصابين بالمرض الشهير الربو . فعلا تشى كان مصاب بالربو منذ صغره ورغم كده كان بيشؤب سيجار زى الوحش .

اى استفسار تانى عن تشى حبيب قلبى انا موجود .

سلام