[أسيل رزق]

المشاركة الأصلية كتبت بواسطة لمى 2016

يا خراشى عليكى و على جمالك

صاحبتى بقى تقولى ايه
بصى يا كوكا
هى الاحاديث الضعيفة نقلها مش غلط
لانها ممكن يكون الرسول صلى الله عليه و سلم
قالها فعلا
بس التشكيك بييجى من العلماء فى سند الحديث
ازاى؟
ان احد رواة الحديث يكون ضعيف الحفظ
او انه يكون امام فى العبادة فيشغل بالعبادة عن الحفظ
او يكون امام فى الدعوة فيشغل بالدعوة عن الحفظ
شفتى يعنى ناس عابدين لله مش زى حالاتنا
و ناس ائمة فى الدعوة فده بيعمل على انشغالهم عن الحفظ
يعنى هما لا كذابين و لا وضاعين
بس الاسلم اننا ناخد بالاحاديث الصحيحة
بس بردو فيه حاجة
مش الاحاديث الصحيحة بس هى اللى وردت فى الصحيحين (البخارى و مسلم)
لان فيه احاديث تانية كتير صحيحة
و احاديث متفق عليها
و احاديث رويت باسناد حسن
فاهمة ازاى؟

شكلك فاهم يا نصه .. كلام جميل وكويس وصح طبعاً مش شرط الأحاديث الضعيفة تكون غلط .. بس يا معلم أنا بتكلم على الأحاديث التى لم تُذكر على لسان الرسول ولا وجود لها فى كُتب السُنة والحديث ولا فى كُتب الأئمة اللى بيسموها الأحاديث الوضعية يعنى كاذبة اللى بياخد تاريخ فاهم بقى

المهم يعنى ده موضوع كبير
صح .. الموضوع كبير كبير كبير
المهم ليكى انتى يا نونو
انك تعرفى ان مش كل الاحاديث الغير مذكورة فى الصحيحين غلط
لالالا .. الكلام ده عن الأحاديث الضعيفة وليست الوضعية
بس المهم عند نقل حديث انى اتأكد من سنده

أيون لازم إسناد مش كوسة هى وأى حد يقول عن أبى هريرة أن رسول الله صلى الله عليه وسلم قال: ........
ونعتبر ده إسناد فى حاجة إسمها راوى الحديث أو العنعنة ومفيش أحسن من صحيح البخارى ومسلم وبتهيقلى اللى فى الصحيحين كفاية إننا نتمسك بيهم ونعرفهم
ياما انه يكون صحيح او يكون باسناد حسن
قبل ما انقله
و انا الحمد لله عمرى ما نقلت حديث قبل ما ادور عليه
(على اصله يعنى)
و فى حاجة كمان كنت عايزة اقول عليها هى ان القسم فى الاوفلاينات
غير ملزم
يعنى ايه؟
يعنى لما ييجى فى اوف لاين و يقولك مثلا
(اقسم بالله انى هابعت الاوفلاين دى بعد ما اقراها .........)
و انتى مش بعتتيها مش فيها مشكلة اطلاقا
بس يستحسن اننا مش نكتبها اساس
لان الله _ سبحانه و تعالى _قال: ( لا يؤاخدكم الله باللغو فى ايمانكم)
و ربنا بردو قال ( و لا تجعلوا الله عرضة لايمانكم)

صح فاتت عليا دى أقولها .. فعلاً يا جماعة الكلام الفاضى ده بلاش منه .. بجد بحس بالناس اللى بيخترعوا الحاجات دى إنهم يا بيحرفوا فى الدين يا إما مش عارفين يجذبوا الناس للطاعة إزاى ..!!!

يلا فى أمان الله

سعيدة جداً بردك يا واد يا حلو انت

نورتى يا قمر .. وماتبقيش تقطعى الجوابات