[oxstreet]

المشاركة الأصلية كتبت بواسطة طـفـلـة الامـس

السلام عليكم
بصراحة انا كنت مترددة جدا فى انى اكتب المشاركة دى ولا لأ
بس لانكم كلكم فى منزلة اخواتى فهو ده السبب اللى خلانى ارد خصوصا لانى فعلا محتاجة انى اطلع اللى جوايا شوية بس يمكن مش بقدر اقول اللى حساه عالطبيعة فبحاول اكتبه....
انا يوم النتيجة ده كان اسوأ يوم بجد مر عليا السنة دى
تقريبا من ساعة ماعرفت النتيجة لحد الساعة 11 او 12 ونا مبفصلش لحد ماجالى صداع مش قادرة اوصفه وده اكيد شىء طبيعى
كنت حسة ان كل حاجة اتدمرت ونا نفسى انتهيت والله العظيم عمرى ماحسيت بمرارة الفشل زى ماحسيتها اول ماشفت درجاتى
هى اصلا مش درجات اساسا
انا فعلا اتظلمت فى درجات كتير جدا بس كنت لازم اجيب الدرجات اللى جبتها دى حتى لو مكنتش بتعبر عن حلى فالامتحان بس لسبب واحد انى ماكنتش بذاكر كويس
يعنى حسيت ان ربنا بيعاقبنى بعدم اجتهادى بالدرجات دى وان كانت فعلا لاتعبر اطلاقا عن حلى فالامتحان
بس الحمد لله على كل حال
تقريبا كانها كانت رسالة وتنبيه من الله ليا والحمد لله هو ده اللى مخلينى حسة بالراحة
عشان احسن من نفسى وحاجات كتير كنت مقصرة فيها ارجع لها تانى
انا بكتب الكلام ده ونا ربنا وحده اللى يعلم باللى انا فيه حتى وان كان غير ظاهر فى تعاملى مع اى حد لانى زى ماقلت فيه حاجات مش بقدر اعبر عنها كلمات فقلت افضفض لكم شوية لانى بعتبركم اكتر من الاخوة
معلش اعذرونى ان كنت ضايقتكم شوية
فى رعاية الله

لازم تتأكدي ان ربنا اكيد مش هيظلمك يعني انت على قدر المزاكر هتخدي درجات
(قل لن يصيبنا إلا ما كتب الله لنا)


انشاء الله الكل يحاول يعوض في الترم ده سواء الناس اللي جيبه تقديرات او الناس التانيه


على العموم انا من الناس اللي جيبين جيد جدا و انشاء الله تتحسن التيرم ده