[هدى مجدى]

المشاركة الأصلية كتبت بواسطة bahaa23973

لا اعرف ماذا حدث فقد تغير شكل المنتدى المحبب لقلوبنا و اصبحنا نهاجم بعض فهنا المعلم الذى يهاجم الاخصائى لحصولة على الكادر و اخر يهاجم الاداريين لمطالبطهم بحوافز و اخر يكذب زميل لة يخبرنا انة صرف الكادر فهل هذا اصبح هدف المنتدى اعتقد لا
و اناشيد الجميع
اولا عدم التجريح فى احد
ثانيا اقتراح موضوعات جديدة تخدم العملية التعليمية مثل البدأ فى حملة مدارس بلا عنف على سبيل المثال
ثالثا ان كنا قد اقتفدنا النقابة التى تجمع رايتنا فلماذا لا يكون هذا المنتدى هو مجمعنا

وشكرا لكم

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى