اكيد الاستايل في اللبس بيغير نظرة الشخص في البنت
وبالنسبة للأكل في الكلية عندنا عادي
انا اتكلمت على موضوع ملفت وكده عشان فرضتي إنها غريبة للبنت وعادية للولد
لكن في الحالات العامة مفيش فرق واضح يعني
انا عن نفسي شايفها عادي
وبصراحة مفكرتش قبل كده إن نفسي اكون بنت او حاجة
يمكن عشان مجربتش حياة البنات او معنديش اخوات بنات
لكن زي ما البنات بيحسدوا الولاد الولاد بيحسدوا البنات
إنهم بيبقوا متدلعين واللى عايزينه اهلهم بيجيبهولهم ومش بيرضوا يزعلوهم
ولما ييجو متأخر الدكتور مش بيكلمهم
في موقف كده ححكيه بما إني فاضي بخصوص ده
انا كان يوم الاتنين عندي محاضرة فيزيا جيت 8 وعشرة على اساس الدكتور حيتأخر لقيته جه بدري وقفل الباب ونص المجموعة واقفة بره
المهم دورت على معاد لنفس المحاضرة لقيت الاربعاء الصبح كنت فاضي
عمل نفس الحركة وقفل الباب بدري
عالساعة 8 ونص دخلو بنتين و"معلش يا دكتور واسفين وآخر مرة ومش عارف ايه" وراح جه العامل قالهم آخر مرة وراح دخلهم
ولقينا نص بنات المحاضرة كانوا بره وفي الآخر 5 ولاد ميتحسبوش
والدكتور باصص مبتسم
وانا ضاع مني يوم كامل ومدخلتش محاضرتي وقعدت فاضي
حتوقوليلي بس احنا كذا وكذا وكذا
حقولك كل واحد بيبص للجانب الكويس عند التاني والجانب الوحش فيه هو
ولو بصيتي بره حتلاقي عمليات التحويل الجنسية
الراجل يبقى ست والست تبقى راجل
وده معناه إنه في ناس فعلاً بتبقى عايزة تغير جنسها من الجنسين (وطبعاً ده حرام)
|