[Dr.ahmed91]

المشاركة الأصلية كتبت بواسطة طـفـلـة الامـس

السلام عليكم

بصراحة انا كنت مترددة جدا فى انى اكتب المشاركة دى ولا لأ
بس لانكم كلكم فى منزلة اخواتى فهو ده السبب اللى خلانى ارد خصوصا لانى فعلا محتاجة انى اطلع اللى جوايا شوية بس يمكن مش بقدر اقول اللى حساه عالطبيعة فبحاول اكتبه....
انا يوم النتيجة ده كان اسوأ يوم بجد مر عليا السنة دى
تقريبا من ساعة ماعرفت النتيجة لحد الساعة 11 او 12 ونا مبفصلش لحد ماجالى صداع مش قادرة اوصفه وده اكيد شىء طبيعى
كنت حسة ان كل حاجة اتدمرت ونا نفسى انتهيت والله العظيم عمرى ماحسيت بمرارة الفشل زى ماحسيتها اول ماشفت درجاتى
هى اصلا مش درجات اساسا
انا فعلا اتظلمت فى درجات كتير جدا بس كنت لازم اجيب الدرجات اللى جبتها دى حتى لو مكنتش بتعبر عن حلى فالامتحان بس لسبب واحد انى ماكنتش بذاكر كويس
يعنى حسيت ان ربنا بيعاقبنى بعدم اجتهادى بالدرجات دى وان كانت فعلا لاتعبر اطلاقا عن حلى فالامتحان
بس الحمد لله على كل حال
تقريبا كانها كانت رسالة وتنبيه من الله ليا والحمد لله هو ده اللى مخلينى حسة بالراحة
عشان احسن من نفسى وحاجات كتير كنت مقصرة فيها ارجع لها تانى
انا بكتب الكلام ده ونا ربنا وحده اللى يعلم باللى انا فيه حتى وان كان غير ظاهر فى تعاملى مع اى حد لانى زى ماقلت فيه حاجات مش بقدر اعبر عنها كلمات فقلت افضفض لكم شوية لانى بعتبركم اكتر من الاخوة
معلش اعذرونى ان كنت ضايقتكم شوية

فى رعاية الله

بسم الله الرحمن الرحيم " أحسب الناس أن يتركوا أن يقولوا أمنا وهم لا يفتنون.ولقد فتنا الذين من قبلهم فليعلمن الله الذين صدقوا وليعلمن الكاذبين" صدق الله العظيم

و يقول صلى الله عليه وسلم "عجبا لأمر المؤمن,إن أمره كله خير- وليس ذلك لأحد إلا المؤمن-إن أصابته سراء شكر,فكان خيرا له,وإن أصابته ضراء صبر فكان خيرا له"

اللي أنا عاوز أوصله أن الدنيا مهما حتكون حلوة..لازم بطبيعتها حيكون فيها شدائد وعثرات تصيب اإنسان في حياته,بس هل حتقف حياته عندها....لا طبعا...بالرضا بقضاء الله وبالأمل واإيمان ان شاء الله يستطيع الانسان تخطي هذه العثرات ان شاء الله

حضرتك يا دكتورة ياما ساعدتي ناس كتير وأنا أولهم وأنا فاكر ده كويس الحمد لله...بس تذكري كلامك معانا أول الإجازة وكتاب لاتحزن وكلامك عن الحزن والماضي..أحسن وقت تطبقي فيه الكلام ده دلوقتي

وأنا متأكد إن شاء الله أن ربنا كاتبلك الخير...يمكن يكون هو ده الخير...اكيد...و أي حاجة ان شاء الله تتعوض الترم التاني..الجيد تبقى جيد جدا والجيد جدا تبقى امتياز ان شاء الله

وإن شاء الله بالدعاء ربنا يكرمك ويوفقك من عنده "وقال ربكم أدعوني أستجب لكم"

افتكرت بيتين شعر حكتبهم لك
وإني لأدعو الله و الأمر ضيق علي ...فما ينفك أن يتفرجا
ورب فتى ضاقت عليه وجوهه..أصاب له في دعوة الله مخرجا
لا تسألن بني آدم حاجة....... وسل الذي أبوابه لا تحجب

وطبعا كلام الأخوة والزملاء يكمل كلامي ليكي