[** MR.SmilE **]

المشاركة الأصلية كتبت بواسطة لمى 2016

السلام عليكم جميعاً
طبعا الموضوع باين من عنوانه
لاء مش باين
طيب هاوضحه اهوه
بصوا يا جماعة انا كنت امبارح فى المطار بستقبل والدتى
فلاقيت شاب كده واقف مع واحد صحبه
و بيقوله طيب و ابويا ده انا هاعرفه ازاى؟
قاله انت مش شفته قبل كده
قاله لاء يالا اخر مره شوفته كانت من تلات سنين فى المنام
هههههههههههههه و هو فاكر لما شاف ابوه في المنام من 3 سنين
قال يا خبر ابيض من تلات سنين و فى المنام كامان
خلاص خلاص هو اللى هيعرفك
قاله هيعرفنى ازاى يا فالح اذا كان اخر مرة شافنى فيها
كانت و انا فى ابتدائى
قاله خلاص نروح نجيب ساين و نكتب عليها اسمه و هو لما يشوفها هيعرفنا
و مشوا كل ده و انا فى قمة الذهول
بعد شوية جت بنت كده بتتكلم فى االموب مع واحدة صاحبتها و بتقولها و انا مامى دى مش فاكرة شكلها اصلا
ايوة يا بنتى انا كل اللى يربطنى بيها لارجون (الفلوس يعنى)
طيب سلام الطيارة وصلت
المهم انا قابلت والدتى بوس و دموع و شحتفة رغم انها لسه مسافرة من اسبوعين
بس وحشتنى بردو
المهم روحنا الكافيه اللى فى المطار
و انا الولد و البنت دول معلقين فى دماغى
طيب و بعدين هيعملوا ايه
لقيتهم عرفوا اهلهم بعد عناء يعنى
و كانت مقابلتهم بارده جداً
طبعا فهمتوا كده انا بتكلم عن ايه
انا بتكلم عن سفر الاهالى و سيابانهم ولادهم هنا فى مصر
بحجة انهم بيجيبوا فلوس يأمنوا بيها مستقبلهم
رغم انهم فى الحقيقة بيدمروا مستقبلهم بكل المقاييس
لان الابناء دول
بيطلعوا بيكرهوا اهاليهم لانهم اصلا مش يعرفوهم
لكن فى نفس الوقت بيحبوا جدا الفلوس اللى بيبعتوهالهم
طبعا الشباب دول بيطلعوا فشلة فى دراستهم
و بيتعرفوا لهم على شوية عيال بايظين
و الحدوتة بتبوظ خالص(زى موبايلى اللى كل يومين يخرب ده)
لاء و مش كده و بس
فيه ناس بيبقوا عايشين مع اولادهم فى نفس البلد
لكنهم للاسف مش يعرفوا عن اولادهم حاجة
يعنى مثلا
تلااقى الاب على طول فى شركاته و مشاريعه
و الام على طول فى نوادى الروتارى و الجمعيات الخيرية
و الحفلات و السهرات مع سيدات المجتمع
حرام عليكي احنا في مصر .. مفيش الحاجات دي خالص
اخرنا طابور العيش و المطبخ
او حتى لو كان الاسرة دى من الطبقة المتوسطة
تلاقى الاب طول النهار فى شغله سواء بقى كان مدرس او دكتور او حتى صاحب محل
و الام طول الوقت لو كانت بتشتغل فهى بتبقى فى الشغل الصبح
و فيه ناس كمان
بياخدوا الشغل يكملوه فى البيت
و يا اما تبقى طول النهار مع الثوم و البصل (فى المطبخ يعنى)
او حتى يبقى الاب و الام منفصلين و طبعا اللى بيضيع فى النص هما الاولاد
بجد حال بيبقى مؤسف
تلاقى الاب فى وادى و الام فى وادى
و البننت تقوله باااااااااااااى داد
يقولها باى بيبى خدى بالك من نفسك
طبعا هو لاخد باله هى لابسة ايه
و لا رايحة فين
و لا هتقابل مين(هتقابل صحباتها اكيد يعنى)
و لا هتعمل ايه
و لا هترجع امتى
و هى كمان مش فكرت تقوله
لانها مش محتاجة حاجة طول ما فيه معاها الفلوس اللى هى عايزاها
طيب و بعدين
انتوا متخيلين الموقف
ولد او بنت يتيم و اهله موجودين بجد صعبة اوى اوى
انا بقى عايزاكن انتوا اللى تقولولى و بعدين
عايزاكم تتخيلوا كده
لو انتوا فى اى موقف من المواقف اللى فوق دى
و عايزين تكتبوا رسالة لاهلكم هتقولوا لهم ايه
عشان قلبهم يرق و يحنوا عليكم
و يدوكم جزء من رعايتهم و اهتمامهم
يا ترى هتكتبوا لهم فيها ايه؟

بصراحة الموضوع ده مهم جدا خصوصا ليا

و بما اني عايش ف السعودية يعني اكبر نسبة مصريين في الخارج و اكيد الموضوع ده شائع جدا

معظم الناس دول ( اللي هما برا و بيسيبوا ولادهم في مصر ) مش بيقعدوا عشان الفلوس

تقدري تقولي انهم مايقدروش يعيشوا في مصر بعد سنين كتير في الغربة

اتعودوا ع الحياة هناك و كمان شغلهم هو حياتهم

بمعني انهم لو رجعوا مش هيشتغلوا لأن بلدنا مش ناقصة ... كفاية اللي فيها

و معظمهم لما يسافر ولادهم . الولاد دول بيضيعوا

يعني تلاقي الواد ماشي في 26 و لسة في رابعة طب

و واحد تاني ياخدها من الاخر و ما يروحش خالص.. وراه حصص في تعلم الاجرام

الكلام ده بجد بيحصل يعني مش هزار و اعرف ناس كتير كدة

عموما ربنا يعيننا

و يهدي الجميع